নহিমিয় 9:25 - Chakma Bible

²⁵ তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

নহিমিয় 9:25 ပူးပေါင်းရင်းမြစ်များ

১ রাজাবলী 14:9

তঅ আগেন্দি যিগুনে এলাক্‌ তুই তারাত্তুনো বেশ্‌ ভান্ন্যেই কাম্‌ গোজ্যস্‌। তুই নিজোত্তে দেব-দেবেদা বানেয়োচ্‌ আর গোলেইনে মূত্তি বানেয়োচ্‌। তুই মরে অহুজি গুরি তুল্যচ্‌ আর মরে তঅ পিজেন্দি ফেলেই রাগেয়োচ্‌।

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

নহিমিয় 9:35

তারার্‌ রাজাগিরির্‌ সময়োত্‌ তারা তর্‌ দিয়্যে দাঙর্‌ আর বোল্‌বোল্যে দেজত্‌ বোউত্‌ মংগল ভোগ গোজ্যন্‌, তো তারা তর্‌ সেবা ন-গরন্‌ বা তারার্‌ ভান্ন্যেই পধত্তুন্‌ ন-ফিরোন্‌।

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

গীতসংহিতা 65:11

তুই বজরবোরে বোউত্ বর্ দিইনে ভালেদি গোজ্যস্; তর্ চলিবার পদথ্ বোউত্ আশিদ্‌বাদ ঝুড়ি পড়ে।

গম্ উপদেজ্ 30:9

সিয়েন ন-অলে অয়ত মর্ বেশ্ থেবঅ আর মুই তরে অস্বিগের্ গুরিনে কোম্, “লগেপ্রভু কন্না?” বা মুই নাঢা ওইনে চুর্ গুরিম আর মুই গোজেনর নাঙান্ অসর্মান গুরিম।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিরমিয় 31:14

বেক্কানি বেশ্ গুরি দিইনে মুই ধর্মগুরুগুনোরে পুরেই দিম, আর মঅ মানুচ্চুনে মর্ আশীদ্‌বাদে হুজি অবাক্। মুই লগেপ্রভু এ কধাগান কঙর্।”

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

দানিয়েল 11:24

তাগোয়্যে রেজ্যগানিয়ে যেক্কে নিজোরে নিরাপদ মনে গুরিবো সেক্কে তে তারারে আক্রমন গুরিবো আর তার পূরোণি মানুচ্চুনেয়ো সেই পূরোণি মানুচ্চুনোর পূরোণি মানুচ্চুনে যিয়েনি গুরি ন-পারন্ তে সিয়েনি গুরিবো। কাড়ি নেযেয়্যে আর লুদেয়্যে পযাপিরানি আর ধনানি তে তার্ মানুচ্চুনো ভিদিরে বিলেই দিবো। তে তাম্বুলানি সর্বনাশ গুরিবাত্তে কুজুরোমি গুরিবো, মাত্তর্ সিয়েনি বানা কয়েক দিনোত্তে।

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

দ্বি’লম্বর বিররণ 3:5

এ বেক্‌ শঅরানি অজল্ অজল্ দেবাল্লোই ঘিজ্যে এলঅ আর সিয়েনত্‌ এলদে গেট্‌ আর গেদোর লাগাড়া। ভালোক্কানি দেবাল বাদে আদামঅ সিয়েনত্‌ এলঅ।

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।