নহিমিয় 9:24 - Chakma Bible

²⁴ তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

নহিমিয় 9:24 ပူးပေါင်းရင်းမြစ်များ

১ বংশধর 22:18

“তমা গোজেন লগেপ্রভু কি তমা সমারে নেই? তে কি বেক্কানিন্দি তরে সুগ-শান্দি নঅ-দে? তে দঅ এ দেজর্‌ মানুচ্চুনোরে মঅ আদত্‌ তুলি দিয়্যে আর দেজ্‌ছান লগেপ্রভু আর তা মানুচ্চুনোর্‌ অধীন্‌ ওইয়্যে।

ইষ্টের 9:5

যিহূদীগুনে তারার্‌ বেক্‌ শত্রুগুনোরে শেজ্‌ গুরিবাত্তে, মারে ফেলেবাত্তে আর এক্কুবারে শেজ্‌ গরা ধুরিলাক্‌ আর যিগুনে তারারে ঘিনেইদাক্‌ তারা উগুরে যিয়েন্‌ হুজি সিয়েনই গরা ধুরিলাক্‌।

গণাণা 14:31

তমার্‌ যে ঝি-পূঅগুনোরে কাড়ি নেযা অবঅ বিলি তুমি কোইয়ো সেই ঝি-পূঅগুনোরে মুই সে দেজত্‌ নেযেম। এই ঝি-পূঅগুনেই সেই দেজ্‌চান্‌ ভোগ্‌ গুরিবাক্‌ যিয়েন্‌ তুমি টেংগোই লাদি মাজ্য।

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 21:43

লগেপ্রভু ইস্রায়েলীয়গুনোর পূরোণি মানুচ্চুনো ইদু যেদক্কানি জাগা দিবার শমক্‌ গোজ্যে সিয়েনি বেক্কানি তে তারারে দিয়্যে। ইস্রায়েলীয়গুনে সে দেজ্‌চানি গজক্ গুরি নেযেইনে সিয়েনিত্‌ বজত্তি গরা ধুরিলাক্‌।

যিহোশূয় 21:45

লগেপ্রভু ইস্রায়েলীয়গুনোরে ভালেদি গুরিবাত্তে যেদক্কানি এগেম্ গোজ্যে সিয়েনির্‌ এক্কানঅ অপূরোণ ন-থায়, বেক্কানি পূরোণ ওইয়্যে।

বিচের গুরিয়্যেগুন 4:23

সেদিন্যে গোজেনে কনানীয় রাজা যাবীনরে ইস্রায়েলীয়গুনোর অধীনোত্‌ আনিলো।