নহিমিয় 9:14 - Chakma Bible

¹⁴ তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

নহিমিয় 9:14 ပူးပေါင်းရင်းမြစ်များ

পত্থম 2:3

এ সাত দিন্‌নোরে তে বর্ দিইনে নিজোত্যে ফারক্‌ গুরিলো, কিত্তে সে দিনোত্‌ তে কনঅ সৃট্টির কাম ন-গুরিলো।

নহিমিয় 1:8

কোজোলি গরঙ্‌, তঅ চাগর্‌ মোশিরে তুই যে উগুমান্‌ দুয়োচ্‌ সিয়েনি মনত্‌ তুলি চাহ্। তুই কোইয়োচ্ছ্যে, তুমি যুনি অবিশ্বেজি অ সালে মুই অন্য জাত্‌তুনো ভিদিরে তমারে ছিদি দিম্‌;

নহিমিয় 10:32

আমা গোজেন ঘরর্‌ সেবা-কামত্তে পত্তি বজর্‌ এক শেখেলর তিন ভাগর্‌ এক ভাগ্‌ দিবার্‌ ভারান্‌ আমি গুজি ললং।

যাত্রা 16:23

সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 20:20

তারা যেন মর্ দিয়্যে জিরেবার দিনুনোর পবিত্রতাগান রোক্ষ্যে গরন; সেক্কে মর্ আর তারা ভিদিরে সিয়েন এক্কান চিহ্নো ওই থেবঅ, আর তারা হবর্ পেবাক্ যে, মুয়ই তারার্ গোজেন লগেপ্রভু।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।