নহিমিয় 9:13 - Chakma Bible

¹³ তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

নহিমিয় 9:13 ပူးပေါင်းရင်းမြစ်များ

২ রাজাবলী 17:37

তে যেদক্কানি সুদোম, হুকুম, আইন আর উগুম তমাত্তে লিগি দিয়্যে সিয়েনি গমেডালে পালেবা। তুমি দেব-দেবেদার পূজো ন-গুরিবা।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

গীতসংহিতা 119:137

ও লগেপ্রভু, তুই ধার্মিক; তর্ বিচেরানি দোল্।

গীতসংহিতা 119:160

তর্ বেক কধানি সত্য; তর্ এক এক্কান ধর্মীয় সুদোম উমরত্তে থিদেবর্ গোজ্যে।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

যাত্রা 16:23

সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 20:1

ইয়েন পরেন্দি গোজেনে কলঅ‌,

যাত্রা 20:22

লগেপ্রভু মোশিরে কলঅ‌, “তুই ইস্রায়েলীয়গুনোরে এই কধাগান্‌ কঅ‌, ‘মুই লগেপ্রভু স্বর্গত্তুন্‌ দঅ তমা লগে কধা কোইয়োং সিয়েন্‌ তুমি নিজোর্‌ চোগে দেখ্য।

যিশাইয় 64:1

আহ্, তুই যুনি আগাজ্‌‌চান ফাদিনে লামি এদে! যুনি মুড়ো-মুড়িগুন তঅ মুজুঙোত্ গির্‌‌গিরেদাক!

যিশাইয় 64:3

আমি যিয়েন আজা ন-গুরিই সেবাবোত্যে দর্ আর ভোক্তি জাগেয়্যে আমক্ কাম্ যেক্কে তুই গোজ্যস্ সেক্কে লামি এচ্চ্যস্ আর মুড়ো-মুড়িগুন তর্ নাঙে গির্‌‌গিরেয়োন।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

রোমীয় 7:16

যিয়েন ন-চাং সিয়েনই যেক্কে মুই গরং সেক্কে মুই ইয়েনই স্বীগের্ গরং যে, রীদি-সুদোম গম্।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

দ্বি’লম্বর বিররণ 4:33

তমা ধোক্ক্যেন গুরি অন্য কনঅ জাদর্‌ মানুচ্‌ আগুনো ভিদিরেত্তুন্‌ গোজেনরে কধা কদে শুনিনে বাঁজি আগন্‌ নাহি।

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

দ্বি’লম্বর বিররণ 4:8

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

দ্বি’লম্বর বিররণ 5:4

লগেপ্রভু সে মুড়োবো উগুরে আগুনো ভিদিরেত্তুন্‌ তমা মুজুঙোত্‌ কধা কোইয়্যে।