নহিমিয় 8:17 - Chakma Bible

¹⁷ বন্দীদজাত্তুন্‌ ফিরি এচ্ছ্যে পুরো দল্লো নাদামান্‌জ্যর-ঘর্‌ বানেইনে সিয়েনিত্‌ বজত্তি গুরিলাক্‌। নূনর পূঅ যিহোশূয়র সময়ত্তুন্‌ ধুরি সেদিন্যে সং ইস্রায়েলীয়গুনে এধোক্ক্যেন্‌ আর ন-গরন্‌। তারা অমকদ হুজিয়ে-ফূত্তি গুরিলাক্‌।

নহিমিয় 8:17 ပူးပေါင်းရင်းမြစ်များ

১ বংশধর 29:22

সেদিন্যে তারা লগেপ্রভু মুজুঙোত্ অমকদ রংগ-ফুত্তি গুরিনে হানা-দানা গুরিলাক্‌। তারা দায়ূদো পুয়ো শলোমনরে এ দ্বিবার্‌ রাজা বিলিনে স্বীগের্‌ গুরিলাক্‌ আর তারে রাজা আর সাদোকরে ধর্মগুরু ইজেবে লগেপ্রভুর নাঙে অভিষেগ্ গুরিলাক্‌।

২ বংশধর 30:26

যিরূশালেমত্ খুব্‌ রঙ্গ-ফুত্তি অলঅ; ইস্রায়েলর রাজা দায়ূদোর পুয়ো শলোমন পরেন্দি যিরূশালেমত্‌ আর এধোক্ক্যেন গুরিনে পরব্‌ পালা গরা ন-অয়।

২ বংশধর 35:18

ভাববাদী শমূয়েল পরেত্তুন্‌ ধুরি আর কনদিন্‌অ ইস্রায়েলত্‌ এধোক্ক্যেন গুরিনে উদ্ধোর্‌-পরব্‌পো পালা ন-অয়। ধর্মগুরু, লেবীয় আর যিরূশালেম মানুচ্চুনোর লগে আঝিল্ ওইয়্যে যিহূদা আর ইস্রায়েলর বেক্‌ মানুচ্চুনোরে নেযেইনে যোশিয় যেধোক্ক্যেন গুরিনে উদ্ধোর্‌-পরব্‌পো পালেয়োন্‌ ইস্রায়েল রাজাগুনো ভিদিরে আর কনজনে সেধোক্ক্যেন গুরিনে ন-পালান্‌।

২ বংশধর 8:13

মোশির উগুম্‌ মজিম তে জিরেবার্‌ দিনোত্‌, আঙোস্যেত্‌ আর বজরর্‌ তিন্নো পরবত্‌, অত্তাৎ সদানেইয়্যে রুটির পরবত্‌, সাত-সাপ্তার পরবত্‌ আর নাদা মান্‌জ্যর-ঘরর্‌ পরবত্‌-সেই বেক্‌ দিনুনোর্‌ সুদোম মজিম উৎসর্বর অনুষ্ঠান গুরিদাক্‌।

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

দ্বি’লম্বর বিররণ 16:15

তমার গোজেন লগেপ্রভু যে জাগায়ান বেঈ নেযেব সিয়োদোই তুমি তার নাঙে সাত দিন সং এই পরপ্পো পালন গুরিবা, কিত্যে তমার তুল্যে বেক্‌ খেদ্‌তানি আর বেক্‌ কামানিত্‌ তমার গোজেন লগেপ্রভু তমারে আশিদ্‌বাদ গুরিবো আর তমার ফুত্তিগানি পূরেব।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

ইব্রীয় 4:8

যুনি যিহোশূয় ইস্রায়েলীয়গুনোরে সেই জিরেবার জাগানত্ নেযেদ সালে গোজেনে পরেদি আর এক্কান সময়োর্ কধা ন-কদঅ।

যিহোশূয় 1:1

লগেপ্রভুর চাগর্‌ মোশির মরাণার পরেন্দি লগেপ্রভু মোশির এজাল্‌ দিয়্যে নূনর পুঅ যিহোশূয়রে কলঅ‌,