নহিমিয় 6:12 - Chakma Bible

¹² মুই যদবদে বুজিলুঙ্‌, গোজেনে তারে ন-পাদাই; টোবিয় আর সন্‌বল্লটে তারে টেঙা দিয়্যে বিলিনে তে মঅ বিরুদ্ধে এ কধানি কোইয়্যে।

নহিমিয় 6:12 ပူးပေါင်းရင်းမြစ်များ

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

নহিমিয় 6:13

তারে টেঙা দিয়্যে ওইয়্যে যেনে মুই দরাং আর তা কধামজিম্‌ কাম্‌ গুরিনে পাপ্‌ গরঙ্‌, আর সেক্কে যেনে তারা মরে দুর্নাম গুরিনে মরে লাজত্‌ ফেলেই পারন্‌।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

যিহিষ্কেল 13:7

তারা কি মিজে দর্শন ন-দেগন্ বা মিজে গোণা-পড়া ন-গরন? তারা দঅ কদন্, মুই এ কধাগান কঙর্, অদচ মুই ন-কং।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

১ করিন্হীয় 2:15

যে মানুচ্চো আত্মিক্ তে বেক্কানি পোরোক্ষ্যে গুরি চায়, মাত্তর্ তারে কনজনে পোরোক্ষ্যে গুরি চেই ন-পারন্।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।