নহিমিয় 5:7 - Chakma Bible

⁷ মুই তারার্‌ কধানি মনে মনে ভাবি চেলুঙ্‌ আর সে পরেন্দি মুরুব্বী মানুচ্চুনোরে আর নেতাগুনোরে দুষ্‌ ধুরিনে কলুঙ্‌, “তুমি তমার্‌ নিজো দেজর্‌ মানুচ্চুনোর্‌ ইত্তুন্‌ সুদ আদায় গোজ্য।” সেনত্তেই মুই তারার্‌ বিচের্‌ গুরিবাত্তে দাঙর্‌ এক্কো মিটিং ডাগিলুঙ্‌।

নহিমিয় 5:7 ပူးပေါင်းရင်းမြစ်များ

গীতসংহিতা 109:11

মাজন্ মানুচ্চুনে বেক্কানি নেযাদোক্; অন্য মানুচ্চুনে তারার কামর ফলুন্ লুদেই নেযাদোক্।

গীতসংহিতা 15:1

ও লগেপ্রভু, তর্ থেবার্ তাম্বুলানত্ কন্না থিয়্যেবার্ যগাজ্যে? তর্ পবিত্র মুড়োবোত্ কন্না বজত্তি গুরিবার্ যগাজ্যে?

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 4:4

তুমি রাগ্ গুরিনে পাপ ন-গোজ্জ্য। বিচ্ছোনত্ পুরিনে তমা মনানিরে চঅ আর জুরো গুরি থেয়ো।

গীতসংহিতা 94:16

কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

যাত্রা 22:24

সেক্কে মর্ রাক্কান্‌ জুলি উদিবো আর তুমি যুদ্ধোত্‌ মারা পুড়িবা। সেনে তমা মোক্কুনে রানিমিলে অবাক্‌ আর পূঅ-ঝিগুনে তারার্‌ বাপ্পোরে আরেবাক্‌।

যাত্রা 22:25

মর্‌ কনঅ‌ নাদা মান্‌জ্যরে যুনি তুই‌ টেঙা উদোর্‌ দুয়োচ্‌ সালে তাগোয়্যে মান্‌জ্য ধোক্ক্যেন গুরি তাত্তুন্‌ কনঅ‌ সুদ ন-নেযেচ্।

গম্ উপদেজ্ 27:5

কনজনে যুনি তরে কোচ্‌‌পান অদচ সিয়েন ফগদাং ন-গরে, তাত্তুন্ বরং কনজনে যুনি তরে গমেডালে দুজ্‌‌ছান দেগেই দুয়োন সিয়েন গম্।

গম্ উপদেজ্ 28:4

যিগুনে লগেপ্রভুর সুদোমানি ছাড়ন্ তারা পাজিগুনোরে নাঙ্ গিনোন্, মাত্তর্ যিগুনে সিয়েনি মানন্ তারা পাজিগুনোর বিরুদ্ধে যান।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

যিহিষ্কেল 45:9

ও ইস্রায়েলর শাজন্‌গুরিয়্যেগুন, মুই প্রভু লগেপ্রভু কঙর্, যদেষ্ট ওইয়্যে। ইক্কিনে জোর্ জবরদস্তি আর অত্যেচার গরানা ছাড়ি দিইনে তুমি ন্যায় আর গম্ কাম গরঅ। মঅ মানুচ্চুনোর জাগা তমা গজগত্ নেযানা বন্ধ গরঅ।

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

লেবীয় 25:36

তুমি তাত্তুন্‌ কনঅ বাবদে সুদ নেযেই ন-পারিবা, বরং মানুচ্চো যেনে তমা ইধু বজত্তি গুরি পারে সেনত্তেই তমার গোজেনরে তুমি দোরেনেই চলিবা।

মথি লেখ্যে গম্ হবর্ 18:17

যুনি তে তারা কধা ন-শুনে সালে মন্ডলীরে কঅ। তে যুনি মন্ডলীর কধায়ো ন-শুনে সালে তে তইধু অযিহূদী বা খাজানা-তুলিয়্যে ধোক্ক্যেন্ ওক্।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 2:11

পিতরে যেক্কে সিরিয়া দেজর্ আন্তিয়খিয়াত্ এলঅ সেক্কে তা মুজুঙোত্ মুই আবিত্তি জানেলুং, কিয়া তে অন্যেয় গোজ্জ্যে।

১ তীমথিয় 5:20

যে আজল্ নেতাগুনে পাপ গরানাত্ থান্ মন্ডলীর বেক্‌ মানুচ্চুনো মুজুঙোত্ তারার্ দুষ্‌‍‍‍চান দেগেই দুয়ো যাতে অন্য নেতাগুনেয়ো দরান্।

তীত 2:15

সেনত্যে পুরো অধিকার নিইনে তুই এ পৌইদ্যেনে শিক্ষ্যে দে, উপদেচ্‌ দে আর দুষ্ দেগেই দে। কেঅ যেন তরে ঈচ্ ন-গরন্।