নহিমিয় 5:5 - Chakma Bible

⁵ যুনিয়ো আমি এক্‌ জাদর্‌ মানুচ্‌ আর আমা ঝি-পূঅগুনে তারার্‌ ঝি-পূঅগুনো ধোক্কেন্‌ তো আমা ঝি-পূঅগুনোরে চাগর্‌ বানা পোজ্যে, আর আমা ঝি-গুনোর্‌ ভিদিরে কয়েকজনে আগেত্তুন্‌ ধুরি চাগর্‌ ওই যেইয়োন্‌। ইক্কিনে আমাত্তুন্‌ কনঅ্‌ খেমতা নেই, কিত্যে আমার ভূইয়ানি আর আংগুর ক্ষেত্‌তানি অন্যর্‌ ওই যেইয়্যে।”

নহিমিয় 5:5 ပူးပေါင်းရင်းမြစ်များ

পত্থম 29:14

লাবনে তারে কলঅ, “ঘেচ্চেকগুরি আমা কিয়্যেনিত্‌ একই লো আঘে।” ইয়েন পরেদি যাকোবে লাবন ঘরত্‌ এক মাস্‌ কাদেল।

পত্থম 37:27

সিবে দঅ আমা নিজো ভেই, আমার এক এড়া। সেনত্তে তারে আত্‌ ন-বাজেইনে বরং এজঅ, আমি তারে ইশ্মায়েলীগুনো ইধু বিজি দিই।” ভেইয়ুনে তা কধাগান্‌ মানিলাক্।

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

গম্ উপদেজ্ 22:7

নাঢা মান্‌জ্য উগুরে তাগোয়্যেবো সদ্দার্ অয়, আর সুদি টেঙা নিয়েবো দিয়্যেবোর চাগর্ অয়।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

মথি লেখ্যে গম্ হবর্ 18:25

তা কজ্জ শুজিবার্ খেমতা ন-এলঅ। সেক্কে সে গিরোজ্‌সো উগুম গুরিলো যেন সে মানুচ্চোরে আর তা মোক্কোরে আহ্ পুয়ো-ঝিগুনোরে আর তার্ যিয়েনি আঘে বেক্কানি বিজিনে পাওনা উজোল্ গরা অয়।