নহিমিয় 5:19 - Chakma Bible

¹⁹ ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

নহিমিয় 5:19 ပူးပေါင်းရင်းမြစ်များ

পত্থম 40:14

মাত্তর্‌ গম দিনুনোত্‌ মঅ-কধা ভুলি ন-যেবে। ইয়েন বদলে ফরৌণ মুজুঙোত্ তুই মঅ কধা কবে, যেনে তর্ বলে মুই এ জেল্‌খানাত্তুন্‌ নিগিলি পারং।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

নহিমিয় 13:14

ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মার্ক 9:41

মুই তমারে ঘেচ্চেক্‌‌‍গুরি কঙর্, তুমি মশীহর্ মানুচ্ বিলিনে যে কেঅ তমারে এক জগ পানি হেবাত্তে দে তে কনমতে তা বক্‌‌‍শিজ্‌‌‍চান ন-আরেব।