নহিমিয় 5:17 - Chakma Bible

¹⁷ ইগুনে বাদেয়ো যিহূদী আর দাঙর্‌ পোজিশনর্‌ কামগুরিয়্যেগুনো ভিদিরেত্তুন্‌ দেড়শঅ্‌জন আর কায়-কুরে জাত্‌তুনোর ভিদিরেত্তুন্‌ যিগুনে আমা ইদু এদাক্‌ তারা মঅ লগে হানা-দানা গুরিদাক্‌।

নহিমিয় 5:17 ပူးပေါင်းရင်းမြစ်များ

২ শমূয়েল 9:13

রাজার টেবিলোত্‌ হানা-দানা গুরিদো বিলিনে মফীবোশতে যিরূশালেমত্‌ থেদঅ। তার দ্বিয়েন টেঙই অাদুর্।

২ শমূয়েল 9:7

দায়ূদে তারে কলঅ, “তুই ন-দোরেচ্‌। মুই তরে কোচ্‌পানা দেগেইনে তঅ বাপ্‌পো যোনাথন উগুরে হামাক্কায় বিশ্বেজ্ গুরিম। তর্‌ আজুবো শৌলর বেক্‌ জাগা-জোমিগানি মুই তরে ফিরেই দিম, আর তুই আমিঝে মঅ টেবিলোত্‌ বোইনে হানা-দানা গুরিবে।”

১ রাজাবলী 18:19

ইক্কিনে মানুচ্‌ পাদেইনে ইস্রায়েলর্‌ বেক্কুনোরে কর্মিল মুড়োবোত্‌ মইদু এগত্তর্‌ গর্‌। ঈষেবলের টেবিলোত্‌ বাল দেবেদার যে চেরশঅ পঞ্চাশজন ভাববাদী আর আশেরার চেরশঅ জন ভাববাদীরে হানা-দানা হাবেইনে তারারে আন্‌।”

১ রাজাবলী 5:3

মঅ বাপ্পো দায়ূদো বিরুদ্ধে চেরোকিত্তেত্তুন্‌ যুদ্ধো ওইয়্যে, সেনত্তেই যেদকদিন সং লগেপ্রভু তা শত্রুগুনোরে তা টেঙ তলে ন-আনিলো সেদকদিন তে তার্‌ গোজেন লগেপ্রভুর নাঙে কনঅ উবোসনা-ঘর বানেই ন-পারিলো। তুই দঅ এ কধানি হবর্‌ পাজ্‌।

নহিমিয় 5:16

বরং মুই এ দেবালর্‌ কামত্‌ নিজোরে লাগেদুঙ্‌। মর্‌ বেক্‌ চাররুনেয়ো কাম্‌ গুরিবাত্তে সিদু এগত্তর্‌ অদাক্‌। আমি কনজনে কনঅ ভূই ন-কিনিই।

যিশাইয় 32:8

মাত্তর্ গম্ মান্‌জ্যে গম্ পরিকল্পনা গরন্ আর তার গম্ কামানিলোই তে থির্ থায়।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।