নহিমিয় 5:15 - Chakma Bible

¹⁵ মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

নহিমিয় 5:15 ပူးပေါင်းရင်းမြစ်များ

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

নহিমিয় 5:16

বরং মুই এ দেবালর্‌ কামত্‌ নিজোরে লাগেদুঙ্‌। মর্‌ বেক্‌ চাররুনেয়ো কাম্‌ গুরিবাত্তে সিদু এগত্তর্‌ অদাক্‌। আমি কনজনে কনঅ ভূই ন-কিনিই।

নহিমিয় 5:9

মুই আরঅ্‌ কলুঙ্‌, “তুমি যিয়েনি গোজ্য সিয়েনি ঠিগ্‌ নয়। অযিহূদী শত্রুগুনে যেনে আমারে ঘিনেই ন-পারন্‌ সেনত্তেই আমাত্তুন্‌ গোজেনরে দোরেইনে চলানা কি আমার্‌ উজিত্‌ নয়?

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিরমিয় 32:9

সেনত্তে মঅ কাক্কাবোর পুয়ো হনমেল ইধু মুই অনাথোদর্ সেই ভূইয়ান কিনিলুং আর একশঅ সাদাশি গ্রাম রূবো মুই তারে মাবিনে দিলুং।

আবিলেচ্ 5:8

চাগরুনে আমারে শাজন্ গত্তন্; তারা আঢত্তুন্ আমারে উদ্ধোর্ গুরিবার্ কনজন নেই।

মথি লেখ্যে গম্ হবর্ 5:47

আর যুনি তুমি বানা তমা নিজো মানুচ্চুনোরে ভালেদি জান সালে অন্যগুনোত্তুন্ বেশ্ আর কি গরর্? অযিহূদীগুনেয়ো কি সে বাবোত্যে ন-গরন্?

২ করিন্হীয় 11:9

তমা ইধু থেবার্ অক্তত্ যেক্কে মর্ অভাব ওইয়্যে সেক্কেয়ো মুই কারঅ লবাদোস্যে ন-অং, কিয়া যে ভেইয়ুনে ম্যাসিডোনিয়াত্তুন্ এচ্চ্যন্ সিগুনে মর্ অভাব্‌পান পূরোণ গোজ্জ্যন। কনঅ পৌইদ্যেনে মুই তমার্ কাঙেলেত্যে ন-অং আর ন-য়ো ওম্।

২ করিন্হীয় 12:13

অন্য মন্ডলীত্তুন্ তুমি কনঅ বাবদে চিগোন নয়; বানা এক্কান পৌইদ্যেনে তুমি চিগোন, আর সিয়েন অলঅ ইয়েন, মুই তমার্ লবাদোস্যে ন-অং। এ ভুলানত্যে মরে ক্ষেমা গরঅ।

১ শমূয়েল 8:15

তমার শোজ্য আর আংগুরোর দশ ভাগর এক ভাগ নেযেইনে তে তার রাজঘরত্‌ কামগুরিয়্যে আর অন্য কামগুরিয়্যেগুনোরে দিবো।