নহিমিয় 5:13 - Chakma Bible

¹³ মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

নহিমিয় 5:13 ပူးပေါင်းရင်းမြစ်များ

২ রাজাবলী 23:3

রাজা মঞ্চ উগুরে থিয়্যেইনে লগেপ্রভুর পধেন্দি আদিবাত্তে আর বেক্‌ মনান-পরাণান্‌ দিইনে তার্‌ বেক্‌ উগুমানি, সুদোমানি আর নিদ্দেশ্‌ছানি মানিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ গুরিলো। সেক্কে বেক্‌ মানুচ্চুনে রাজার লগে এক্কুই শমক্‌ গুরিলাক্‌।

১ বংশধর 16:36

সিরিস্টির্ আগেত্তুন্‌ ধুরি থুম্ ন-ওইয়্যে জিংকানি সং ইস্রায়েলর গোজেন লগেপ্রভুর বাঈনী ওক্‌।” ইয়েন পরেন্দি বেক্‌ মানুচ্চুনে কলাক্‌, “আমেন, লগেপ্রভুর বাঈনী ওক্‌।”

নহিমিয় 8:6

সেক্কে ইষ্রা মহান গোজেন লগেপ্রভুর বাঈনী গুরিলো, আর বেক্‌ মানুচ্চুনে তারার্‌ আঢ্‌তানি তুলিনে‌ কলাক্‌, “আমেন, আমেন।” সে পরেন্দি তারা মাদিত্‌ মাদা নিগিরিনে লগেপ্রভুরে তারার্‌ মনর্‌ ভোক্তি জানেলাক্‌।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

গম্ উপদেজ্ 28:4

যিগুনে লগেপ্রভুর সুদোমানি ছাড়ন্ তারা পাজিগুনোরে নাঙ্ গিনোন্, মাত্তর্ যিগুনে সিয়েনি মানন্ তারা পাজিগুনোর বিরুদ্ধে যান।

উপদেশক 5:5

মানত্ গুরিনে সিয়েন্ ন-ছিড়েনাত্তুন্ বরং মানত্ ন-গরানা গম্।

গণাণা 5:22

এই অভিশাবর্‌ পানিগান্‌ তর্‌ কিয়্যেত্‌ চুমিনে যেনে এমন্‌গুরি কাম্‌ গরে যেনে তর্‌ পেট্টো ফুলি উদে আর তর্‌ মোক্কোর্‌-জিনিসচান অকেজো ওই যায়। ইয়েনর জোবত্‌ মিলেমানুচ্চোত্তুন্‌ কুয়ো পুড়িবো, সিয়েনোই ওক।

মথি লেখ্যে গম্ হবর্ 10:14

যুনি কনজনে তমারে গুজি ন-লয় বা তমা কধা ন-শুনোন্ সালে সেই ঘর বা আদামত্তুন্ যেবার সময়োত্ তমা টেঙর্ ধূল্যেগানি ঝাড়ি ফেল্ল্য।

প্রেরিত্‌ 13:51

সেক্কে পৌল আর বার্ণবা সেই মানুচ্চুনো বিরুদ্ধে তারার্ টেঙর্ ধূল্যেগানি ঝাড়িনেই ইকনিয় শঅরত্ গেলাক্‌‌কোই।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

১ করিন্হীয় 14:16

সিয়েন ন-অলে যুনি তুই আত্মালোই ভালেদি জানাচ্ সালে সেই ভাষা বুঝি ন-পারে এন্ কনঅ মানুচ্‌ যুনি সিয়েনত্ থায়, সালে তে কেধোক্ক্যেন গুরি তর্ ভালেদিগান আমেন বিলিনে মানি লবঅ? তে দঅ কোই ন-পারে তুই কি কর্।

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।