নহিমিয় 4:9 - Chakma Bible

⁹ মাত্তর্‌ আমি আমা গোজেনর ইদু তবনা গুরিলোং আর তারার্‌ দরে দিন-রেত্‌ চুগি দিবাত্তে বেবস্থা গুরিলোং।

নহিমিয় 4:9 ပူးပေါင်းရင်းမြစ်များ

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

নহিমিয় 4:10

এ ভিদিরে যিহূদার মানুচ্চুনে কলাক্‌, “কাম্‌গুরিয়্যেগুনে বল্‌পোজ্যে ওই পোজ্যন্‌ আর পড়ি থেইয়্যে পাত্তরর্‌ কট্টাগুন্‌ এদক্‌ বেশ্‌ ওইয়োন্দে, আমি দেবালান্‌ আর তুলি ন-পারিবোং।”

নহিমিয় 4:11

ইন্দি আমা শত্রুগুনে কলাক্‌, “তারা জানিবার্‌ আগেন্দি বা দেগিবার্‌ আগেন্দি আমি সিদু তারার্‌ ভিদিরেন্দি যেইনে আঝিল্ অবং আর তারারে মারে ফেলেইনে কামানি বন্ধ গুরি দিবোং।”

ইয়োব 5:12

ধূর্ত মানুচ্চুনোর সল্লাগানি তে ফোলেইয নঅ দে, সেনত্তে তারা কনঅ‌ ভালেদি গুরি ন-পারন্‌।

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গম্ উপদেজ্ 22:12

লগেপ্রভু জ্ঞানান্ রোক্ষ্যে গরে, মাত্তর্ তে অবিশ্বেজিগুনোর কধা -বাত্তানি ফোলেই ন-দে।

মথি লেখ্যে গম্ হবর্ 26:41

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।