নহিমিয় 4:20 - Chakma Bible

²⁰ তুমি যিয়েনত্‌ তূরীর রঅ্‌গুন শুনিবা সিয়েনত্‌ আমা ইদু এইনে এগত্তর্‌ অবা। আমা গোজেনে আমার্‌ ওইনে যুদ্ধো গুরিবো।”

নহিমিয় 4:20 ပူးပေါင်းရင်းမြစ်များ

১ বংশধর 19:12

যোয়াবে তা ভেইবোরে কলঅ, “যুনি অরামীয়গুনে মত্তুন্‌ বেশ্‌ বোলী অন্‌ সালে তুই মরে বল্‌ দিবাত্তে এবে, আর যুনি অম্মোনীয়গুনে তত্তুন্‌ বেশ্‌ বোলী অন্‌ সালে মুই তরে বল্‌ দিবাত্তে যেম্‌।

নহিমিয় 4:19

পরেন্দি মুই মুরুব্বী মানুচ্চুনোরে, দাঙর্‌ পোজিশনত্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “কামর্‌ চাগালাগান্‌ দাঙর্‌ আর সিয়েন্‌ বোউত্‌ জাগা জুড়িনে রইয়্যে; সেনত্তেই আমি দেবালান কায়-কুই একজনত্তুন্‌ অন্যজনে ফারগ্‌ ওইনে দূরোত্‌ দূরোত্‌ আগিই।

নহিমিয় 4:21

বেন্যেপোত্যেত্তুন্‌ ধুরি আরাম্ভ গুরিনে সাজোন্যে ন-অনা সং অদ্দেক্‌ মান্‌জ্যে সেল্‌ ধুরিনে থেদাক্‌ আর আমি এধোক্কেন্‌ গুরিনে কাম্‌ গুরিদোং।

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যাত্রা 14:25

ইয়েনিবাদেয়ো তে রথ্‌‌তানর্‌ চাক্কাগুনো খুলি ফেলেল; সেক্কে রথ্‌‌তানি চালাদে তারার্‌ অমহদ দুখ্‌ ওইয়্যে। মিসরীয়গুনে সেক্কে কলাক্, “আঢঅ, আমি ইস্রায়েলীয়গুনোরে ইরি দিইনে ধেই‌ যেই, কিত্তে লগেপ্রভুই ইস্রায়েলীয়গুনোর্‌ ওইনে মিসরীয়গুনোর্‌ বিরুদ্ধে যুদ্ধো গোজ্যে।”

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

দ্বি’লম্বর বিররণ 1:30

তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

দ্বি’লম্বর বিররণ 20:4

শত্রুগুনো সমারে যুদ্ধো গুরিনে তমারে ঝিদেই দিবাত্তে তমার গোজেন লগেপ্রভুই তমা লগে লগে যার্‌।

দ্বি’লম্বর বিররণ 3:22

তুমি তারারে ন-দোরেয়ো; তমা গোজেন্‌ লগেপ্রভু নিজে তমার্‌ ওইনে যুদ্ধো গুরিবো।

যিহোশূয় 23:10

তমাত্তুন্‌ একজনে এক আজার্‌ জনরে ধাবেই দি পাজ্যে, কিত্যে তমা গোজেন লগেপ্রভুর্ এগেম্ মজিম তে তমার ওইনে যুদ্ধো গোজ্যে।