নহিমিয় 4:2 - Chakma Bible

² তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

নহিমিয় 4:2 ပူးပေါင်းရင်းမြစ်များ

ইষ্রা 4:4

সেক্কে তারার দেজত্ বজত্তি গুরিয়্যে অন্য জাদ্‌‌‌তুনে যিহূদার মানুচ্চুনোরে উচ্চোমিগানি দোঙেই দিবাত্তে আর দর্‌‌‌বুগ্ লাগা ধুরিলাক্ যেনে তারা সেই ঘরান ন বানান্।

নহিমিয় 12:27

যিরূশালেমর দেবালান্‌ গোজেনর নাঙে উৎসর্বর পরবোর্‌ সময়োত্‌ লেবীয়গুনে যিয়েনত্‌ বজত্তি গুরিদাক্‌ সিয়েনত্তুন্‌ তারারে যিরূশালেমত্‌ যিরূশালেমত্‌ আনা অলঅ যেনে তারা ঝোন্‌জোনি, বীণা আর হার্‌মোনি বাজেইনে আর ভালেদির্‌ গান্‌ গেইনে হুজিয়্যে রাজিয়্যে সে মেট্‌বানান্‌ পালেই পারন্‌।

নহিমিয় 12:43

গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

নহিমিয় 4:10

এ ভিদিরে যিহূদার মানুচ্চুনে কলাক্‌, “কাম্‌গুরিয়্যেগুনে বল্‌পোজ্যে ওই পোজ্যন্‌ আর পড়ি থেইয়্যে পাত্তরর্‌ কট্টাগুন্‌ এদক্‌ বেশ্‌ ওইয়োন্দে, আমি দেবালান্‌ আর তুলি ন-পারিবোং।”

নহিমিয় 6:15

ইলূল মাজর্‌ পোজোচ্‌ তারিগোত্‌, বায়ূন্নো দিনোত্‌ দেবালান্‌ তুলোনা থুম্‌ অলঅ।

গীতসংহিতা 83:4

তারা কদন্, “আদঅ, আমি জাদ্ ইজেবে তারারে শেজ্ গুরি দিই, যেন ইস্রায়েলর নাঙান্ আর কারঅ মনত্ ন-থায়।”

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 33:24

“মানুচ্চুনে যিয়েন কদন, ‘লগেপ্রভু ইস্রায়েল আর যিহূদার মানুচ্চুনোরে বেঈ নেযেয়্যে, মাত্তর্ ইক্কিনে তারারে এলাফেলা গোজ্যে,’ সিয়েন কি তুই খিয়েল্ ন-গরচ্? তারা মঅ মানুচ্চুনোরে ঈচ্ গরন আর জাদ্ ইজেবে তারারে আর ন-দেগন্।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

১ করিন্হীয় 1:27

মাত্তর্ জগদ্‌তানে যিয়েনরে মূর্খতা বিলি মনে গরে গোজেনে সিয়েনই বেঈ লোইয়্যে যেন জ্ঞানীগুনে লাজান্। জগদ্‌তানে যিয়েনরে খেমতা নেইয়্যে মনে গরে গোজেনে সিয়েনই বেঈ লোইয়্যে যেন যিয়েন খেমতাবলা সিয়েন খেমতানেইয়্যে অয়।