নহিমিয় 4:14 - Chakma Bible

¹⁴ সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 4:14 ပူးပေါင်းရင်းမြစ်များ

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

২ বংশধর 32:7

“তুমি বোলি আর সাহসী অ। আসিরিয়ার রাজা আর তার্‌ দাঙর্‌ সৈন্যদল্লো দেগিনে তুমি ন-দোরেবা বা আজা ন আরেবা, কিত্যে তা লগে যিগুনে আগন্‌ তারাত্তুন্‌অ বেশ্‌ যিগুনে আমা লগে আগন্‌ তে আরঅ দাঙর্‌।

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

ইয়োব 37:22

উত্তোরেন্দিত্তুন সোনা রঙর্ দোক্‌দোক্যে গুরি এজে; তার চেরোকিত্তে দর্ বুক্ লাগেদে ধোক্ক্যেন মহিমাগান্ দেগা যায়।

গীতসংহিতা 143:5

মুই পুরোণি দিনুনোর্ কধা ইদোত্ তুলোং, তর্ বেক কামানি পৌইদ্যেনে ধ্যান গরং; তঅ আঢ্‌তানিয়ে যিয়েনি গোজ্যে সিয়েনি ভাবঙর্।

গীতসংহিতা 20:7

কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 66:5

তুমি এইনে গোজেনর কামানি চেই যঅ; মান্‌জ্যত্তে তে যে কামানি গোজ্যে সিয়েনি মনত্ ভোক্তিবলা দর্‌বুক্ লাগায়।

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যাত্রা 14:25

ইয়েনিবাদেয়ো তে রথ্‌‌তানর্‌ চাক্কাগুনো খুলি ফেলেল; সেক্কে রথ্‌‌তানি চালাদে তারার্‌ অমহদ দুখ্‌ ওইয়্যে। মিসরীয়গুনে সেক্কে কলাক্, “আঢঅ, আমি ইস্রায়েলীয়গুনোরে ইরি দিইনে ধেই‌ যেই, কিত্তে লগেপ্রভুই ইস্রায়েলীয়গুনোর্‌ ওইনে মিসরীয়গুনোর্‌ বিরুদ্ধে যুদ্ধো গোজ্যে।”

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

দানিয়েল 11:32

যিগুনে পবিত্র সুদোম অমান্য গুরিবাক্ বাজে কধা কন্ তে তারারে ভান্ন্যেই পধেদি নেযেব, মাত্তর্ যে মানুচ্চুনে তারার্ গোজেনরে হবর্ পান তারা খুব দরমর গুরি তারে মানা গুরিবাক্।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

দ্বি’লম্বর বিররণ 1:21

চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

বিচের গুরিয়্যেগুন 3:27

সিদু ইফ্রয়িমর মুড়োমুড়ি চাগালাত্‌ তে শিংগা বাজানার পরেন্দি ইস্রায়েলীয়গুনে তা সমারে মুড়োত্তুন্‌ তলেদি লামি এইনে তা পিজে পিজে আঢিলাক্‌,