নহিমিয় 3:32 - Chakma Bible

³² সনাবানেয়্যেগুনে আর বেবসায়ীগুনে দেবাল কণাবো উগুরে আর এ্যমান-গেদোর্‌ সংমোধ্যে জাগায়ান্‌ ঠিগ্‌ গুরিলাক্‌।

নহিমিয় 3:32 ပူးပေါင်းရင်းမြစ်များ

নহিমিয় 12:39

সে পরেন্দি ইফ্রয়িম-গেট্‌, যিশানা-গেট্‌, মাছ-গেট্‌, হননেলর তাম্বুলান্‌ আর হম্মেয়ার তাম্বুলোর্‌ কায়-কুরেন্দি মেষ-গেট্‌তুয়ো সং গেলাক্‌। সে পরেন্দি চুগিদার্‌-গেদোর্‌ ইদু যেইনে তারা থামেলাক্‌।

নহিমিয় 3:1

দাঙর্‌ ধর্মগুরু ইলীয়াশীবে আর তা লগে ধর্মগুরুগুনে কামত্‌ যেইনে মেষ-গেট্টো আরঅ গাদেলাক্‌। তারা সিবে গোজেনর নাঙে উৎসর্ব গুরিনে সিয়েনর্‌ দোরান্‌ লাগেলাক্‌। সে পরেন্দি তারা হম্মেয়া-তাম্বুল আর হননেল-তাম্বুলান সং গাদেইনে দেবালর্‌ সে দ্বিভাগ উৎসর্ব গুরিলো।

নহিমিয় 3:31

সে পরেন্দি ভাগ্‌কান মল্কিয় নাঙে এক্কো সনাবানেয়্যে ঠিগ্‌ গুরিলো। ইয়েন্‌ অলদে মিটিঙো-গেদোর্‌ মুজুঙোত্‌ উবোসনা-ঘরর্‌ সেবাগুরিয়্যেগুনোর্‌ আর বেবসায়ীগুনোর্‌ ঘরানি সং আর দেবাল কণার্‌ উগুরে গুদিবো সং।

নহিমিয় 3:8

ইয়েন পরেদি ভাগ্‌কান ঠিগ্‌ গুরিলো হর্হয় পূঅ উষীয়েলে। উষীয়েলে অলদে এক্কো সনা বানেয়্যে। সে পরেন্দি ভাগ্‌কান ঠিগ্‌ গুরিলো হনানিয়। সে তুম্বাজ্‌ জিনিস্‌ বানেদ। এধোক্কেন্‌ গুরিনে তারা পাদাজ্যে-দেবালান্‌ সং যিরূশালেমর দেবালান্‌ আগঅ‌ অবস্থাত্‌ ফিরেই আনিলাক্‌।

যোহন 5:2

যিরূশালেম ভেড়া-গেদো কায়কুরে এক্কো পোর্ আঘে; সিয়েনত্ পাচ্চান্ ছাল্-দিয়্যে জাগা আঘে। ইব্রীয় কধাদি পোর্‌বো নাঙান্ বৈথেস্‌দা।