নহিমিয় 3:15 - Chakma Bible

¹⁵ মিস্পা জেলার শাজন্‌গুরিয়্যে কল্‌হোষির পূঅ শল্লুম পয়নালার্‌-গেট্‌তুয়ো ঠিগ্‌ গুরিলো। তে সিয়েন উগুরে ছাল্‌ দিলো আর সিয়েনর দোরান্‌, খিলুন্‌ আর হুক্কুন্‌ লাগেল। রাজার বাগানর কায়-কুরে শীলোহর পুয়োরর্‌ দেবালত্তুন্‌ আরাম্ভ গুরিনে দায়ূদোর শঅরত্তুন্‌ যে সিড়িগান্‌ তলেন্দি লামি যেইয়্যে সিয়েন সং তে ঠিগ্‌ গুরিলো।

নহিমিয় 3:15 ပူးပေါင်းရင်းမြစ်များ

২ শমূয়েল 5:9

ইয়েনর্ পরেন্দি দায়ূদে সে তাম্বুলানত্‌ বজত্তি গরা ধুরিলো অার সিয়েনর্ নাঙান্‌ দিলো দায়ূদ-শঅর। মিল্লোত্তুন্‌ আরাম্ভ গুরিনে সে তাম্বুলানর্‌ চেরোকিত্তে তে শঅর্‌ বানেয়্যে।

২ রাজাবলী 25:4

পরেন্দি শঅর দেবাল এক্কান্‌ জাগা ভাঙি গেলঅ। যুনিয়ো বাবিলীয়গুনে সেক্কেয়ো শঅরান্‌ ঘিজ্যন্‌ তো রেদোত্‌ যিহূদার বেক্‌ সৈন্যগুনে রাজার বাগান কায় দ্বিদেবাল গেদোন্দি ধেই গেলাক্‌ আর রাজা অরাবার ইন্দি ধেই গেলঅ।

২ বংশধর 32:30

হিষ্কিয় গীহোন পয়নালাবো উগুরেদি মুয়োন্‌ নাঢি দিইনে দায়ূদ-শঅর পোজিমেন্দি পানিগান্‌ নেযেল। তে তার্‌ বেক্‌ কামানিত্‌ ফোলেয়্যে।

নহিমিয় 12:37

পয়নালার্‌-গেট্‌তোর্‌ কায়কুরে যিয়েনত্‌ দেবাল উগুরেন্দি উদি যেইয়্যেগোই সিয়েনত্‌ তারা উজু গুরিনে দায়ূদ-শঅরত্‌ উদেদে সিড়িগানন্দি উদিনে দায়ূদোর ঘরর্‌ কায়-কুরে পুগেন্দি পানি-গেট্‌তোত্‌ গেলাক্‌।

নহিমিয় 2:14

সে পরেন্দি মুই পয়নালা-গেদোত্‌ আর রাজার্‌ পূয়োরবোর্‌ ইন্দি উজেই গেলুং; মাত্তর্‌ মুই যে এ্যমান্নো উগুরে চোজ্যং তা সে জাগান ইন্দি যেবাত্তে কনঅ পথ ন-এলঅ।

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

নহিমিয় 3:12

যিরূশালেম জেলার অদ্দেক্‌ ভাগর্‌ শাজন্‌গুরিয়্যে হলোহেশর পূঅ শল্লুম আর তার্‌ ঝিগুনে সে পরেন্দি ভাগ্‌কান ঠিগ্‌ গুরিলাক্‌।

নহিমিয় 3:14

বৈৎ-হক্কেরম জেলার শাজন্‌গুরিয়্যে রেখবর পূঅ মল্কিয় সার-গেট্‌তুয়ো ঠিগ্‌ গুরিলো। তে তার্‌ দোরান্‌, খিলুন্‌ আর হুক্কুন্‌ লাগেয়্যে।

নহিমিয় 3:19

সে পরেন্দি ভাগ্‌কান, অত্তাৎ মিস্পার শাজন্‌গুরিয়্যে যেশূয়োর পূঅ এসর আত্যের্‌ রাগেবার ঘরত্‌ উদিবার্‌ পধ মুজুঙোন্দি জাগানত্তুন্‌ দেবালর টেক্কো সং ঠিগ্‌ গুরিলো।

নহিমিয় 3:7

সে পরেন্দি ভাগ্‌কান ঠিগ্‌ গুরিলাক্‌ গিবিয়োনীয় মলাটিয় আর মেরোণোথীয় যাদোনে। ইগুনে অলাক্‌ গিবিয়োন আর মিস্পার মানুচ্‌। এ ভাগ্‌কান ইউফ্রেটিস গাঙর্‌ পোজিমেন্দি শাজন্‌গুরিয়্যেগুনোর ঘরর্‌ উইপারন্দি এলঅ।

নহিমিয় 3:9

যিরূশালেম জেলার্‌ অদ্দেক্‌ ভাগর্‌ শাজন্‌গুরিয়্যে হূরোর্‌ পূঅ রফায় সে পরেন্দি ভাগ্‌কান ঠিগ্‌ গুরিলো।

উপদেশক 2:6

মুই নিজোত্তে কয়েক্কো পোর্ বানেলুং যেন গাজ্‌চুনোত্ পানি দিয়্যে যায়।

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

যিরমিয় 40:6

সেক্কে যিরমিয় মিসপাত অহীকামর পুয়ো গদলিয় ইধু যেইনে তা সমারে দেজত্ থোই যেইয়্যে মানুচ্চুনো ভিদিরে রলঅ।

লূকে লেখ্যে গম্ হবর্ 13:4

শিলোহর্ অজল্ ঘরান্ পড়ি যানায় যে আদার জনর্ মরণ ওইয়্যে, তমার্ কি মনে অয়, যিরূশালেমর্ বাদ্‌বাগী মানুচ্চুনোত্তুন্ তারার্ বেশ্ দুচ্‌ এলঅ?

যোহন 9:7

“যাহ্, শীলোহ পোর্‌বোত্ যেইনে ধোই ফেলা।” শীলোহ মানে দিপাধা অলঅ। মানুচ্চো যেইনে চোগ্ ধোই ফেলেল আর চোগেদি দেগিনে ফিরি এলঅ। ইয়েন্ দেগিনে তা পাড়াল্ল্যেগুনে আর যিগুনে তারে আগে ভিক্ষ্যে মাগদে দেক্ক্যন্ সিগুনে বেক্কুনে কুয়ো ধুরিলাক্,

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।