নহিমিয় 2:20 - Chakma Bible

²⁰ মুই জোবত্‌ তারারে কলুঙ্‌, “স্বর্গর গোজেনে আমারে ফোলেই দিবো। আমি, তার্‌ চাগরুনে, আরঅ দেবাল গাদেবং, মাত্তর্‌ যিরূশালেমত্‌ তমার্‌ কনঅ সোম্পোত্তি, কনঅ্‌ দাবি বা কনঅ অধিকার নেই।”

নহিমিয় 2:20 ပူးပေါင်းရင်းမြစ်များ

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

নহিমিয় 1:4

এ কধানি শুনিনে মুই বজিনে কানা ধুরিলুঙ্‌। কয়েকদিন ধুরিনে মুই আবিলেচ্‌ খেলুঙ্‌ আর উবোস্‌ থেলুং আর স্বর্গর গোজেনর ইদু তবনা গুরিলুং।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

ইষ্টের 4:11

“রাজার বেক্‌ কামগুরিয়্যেগুনে আর রাজার অধীনোত্‌ বেক্‌ চাগালার্ মানুচ্চুনে হবর্‌ পান্‌, কনঅ মরদ বা মিলে রাজার ডাগনি ন-পেইনে যুনি ভিদিরে দরবারত্‌ তাইদু যান্‌ সালে তাত্তেই বানা এক্কান্‌ আইন আঘে-সিয়েন অলদে তার্‌ মরণ। মাত্তর্‌ যে মানুচ্চো উগুরে রাজা সোনার রাজলুদিক্ বাবেই দিবো বানা তা পরাণান্‌ বাঁজিবো। মাত্তর্‌ গত ত্রিশ দিনো ভিদিরে রাজার ইদু যেবাত্তে মরে ডাগা ন-অয়।”

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 122:6

তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

গীতসংহিতা 20:5

তর্ জিদেনালোই আমি যেন হুজি ওই আর আমা গোজেন নাঙে বাবতা উড়েই। লগেপ্রভু তর্ বেক্ তবনাগানি গ্রাজ্য গোরোক্।

গীতসংহিতা 35:27

মুই ন্যায়র্ পদথ্ চলঙর্, এ কধাগান যিগুনে শুনোদে গম‌্‌পান তারা হুজি ওইনে রঅ ছাড়োদোক্ আর ফুত্তি গোরোদোক্। তারা আমিঝে কোদোক্, “লগেপ্রভুর বাঈনী ওক্; তার্ চাগরুনোর্ ভালেদি অলে তে হুজি অয়।”

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

যাত্রা 28:29

পবিত্র জাগানত্‌ চোমেবার্‌ অক্তত্‌ হারোণে মর্‌ উগুমানি জানিবাত্তেই এই বুগ-ঢাগনিগান উগুরে লেখ্যে ইস্রায়েলর্‌ পূঅগুনোর্‌ নাঙানি বুগোত্‌ গুরি বুয়োই নেযেব। এই বুগ্‌-ঢাগনিয়ান আমিঝে লগেপ্রভুর্‌ মুজুঙোত্‌ তারারে তুলি ধুরিবো।

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

লেবীয় 24:7

পত্তি রুটির সুরো কুরে আজল্‌ লোবান রাগা পুরিবো। রুটির বদলে এ লোবানান্‌ দিইনে লগেপ্রভুর নাঙে আগুন্দোই-গোজ্যে উৎসর্ব গরা পুরিবো।

সখরিয় 6:14

হেলেম, অত্তাৎ হিল্‌‌দয়, টোবিয়, যিদায় আর সফনিয়র পুয়ো হেনকে, অত্তাৎ যোশিয়রে মনত্ রাগেবার চিহ্নো ইজেবে সেই মুকুট্টো লগেপ্রভুর ঘর ভিদিরে থেবঅ।

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।