নহিমিয় 2:19 - Chakma Bible

¹⁹ মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

নহিমিয় 2:19 ပူးပေါင်းရင်းမြစ်များ

নহিমিয় 13:28

আজল্‌ ধর্মগুরু ইলিয়াশীবোর্‌ পূঅ যিহোয়াদার এক্কো পূঅ হোরোণীয় সন্‌বল্লটর ঝিবোরে লোইয়্যে। সেনত্তেই মুই সে পূঅবোরে মর্‌ কায়-কুরেত্তুন্‌ ধাবেই দিলুং।

নহিমিয় 2:10

ইস্রায়েলীয়গুনোরে ভালেদি গুরিবাত্তে এক্কো মানুচ্‌ এচ্ছ্যে শুনিনে হোরোণীয় সন্‌বল্লট আর অম্মোনীয় মুরুব্বী টোবিয় অমকদ বেজার্‌ অলঅ।

নহিমিয় 4:1

আমি আরঅ দেবালান্‌ বানের্‌ শুনিনে সন্‌বল্লটে রাগে আগুনো ধোক্কেন্‌ ওই গেলঅ আর অমকদ বেজার্‌ অলঅ। তে যিহূদীগুনোরে ঠাট্টা গরা ধুরিলো।

নহিমিয় 6:6

সিয়েনত্‌ লেগা এলদে, “নানান্‌ জাদ্‌তুনো ভিদিরে এ কধাগান শুনো যার্‌ আর গেশমেয়ো কত্তে, তুই আর যিহূদীগুনে উল্লোমির্‌ কুজুরোমি গোজ্যন্‌ বিলিনে দেবালান্‌ বানত্তে। ইয়েনিবাদেয়ো এ হবরানি অনুসারে বুঝো যাত্তে, তুই তারার্‌ রাজা অবাত্তে যর্‌।

নহিমিয় 6:9

তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

ইয়োব 30:1

মাত্তর ইক্কিনে যিগুনে মত্তুন্ বয়জে চিগোন্ তারা মরে ঈচ্ গরন্; তারা বাপ্পুনোরে মুই ভেড়া পাল্ চুগিদিয়্যে কুগুরুনো সমারে রাগাদেয়ো ঘিনেম্।

গীতসংহিতা 123:4

আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

গীতসংহিতা 80:6

তুই এন্ গোজ্যস যেনে কায়-কুরে জাদ্‌তুনে আমারে নিইনে কোল্-কোজ্যে বাজান্। আমা শত্রুগুনে আমারে নিইনে তারা তারা আজি-তামাজা গরন্।

গীতসংহিতা 80:7

ও বেগত্তুন্ খেমতাবলা গোজেন, আমারে তুই আগ অবস্তাদ ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর পেবং।

যিশাইয় 36:5

মুই কঙত্তে তর্ যুদ্ধো গুরিবার বুদ্ধি আর খেমতার কধানি বানা মুয়ো কধা। কদে চাং, তুই কা উগুরে বিশ্বেজ্ গুরিনে মঅ বিরুদ্ধে উল্লোমি গরর্?

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

মথি লেখ্যে গম্ হবর্ 9:24

সেক্কে যীশু কলঅ, “তুমি বারেদি যঅ। চিজিবো ন-মরে, ঘুম্ যাত্তে।” এ কধাগান শুনিনে তারা আজা-আজি গরা ধুরিলাক্।

মার্ক 5:40

এ কধাগান শুনিনে মানুচ্চুনে আযাআযি গরা ধুরিলাক্। সেক্কে যীশু তারারে বেক্কুনোরে ঘরত্তুন্ বারেদি যেবাত্তে কলঅ। সে পরেদি তে মিলেবোর্ মা-বাবরে আর তা সমারে শিচ্চ্যগুনোরে নিইনে মিলেবো যে ঘরানত্ এলঅ সেই ঘরানত্ সোমেল।

লূকে লেখ্যে গম্ হবর্ 23:2

তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।