নহিমিয় 2:13 - Chakma Bible

¹³ সে রেদোত্‌ নিগিলিনে মুই কিজিঙো-গেট্টোর্‌ ভিদিরেন্দি সাপ-কূয়ো আর সে পরেন্দি সার-গেদোর্‌ ইন্দি গেলুং আর যিরূশালেমর ভাঙা দেবাল্‌ আর আগুন্দোই ভস্ত গোজ্যে গেট্‌তুনোর অবস্থাগান্‌ চেলুঙ্‌।

নহিমিয় 2:13 ပူးပေါင်းရင်းမြစ်များ

২ বংশধর 26:9

উষিয় যিরূশালেমর কোণা গেট্টোত্‌, কিজিঙো-গেট্টোত্‌ আর দেবাল কোণাবোত্‌ অজল্‌ চুগিদার-ঘর্‌ বানেইনে সিয়েনিরে দরমর গুরিলো।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 12:31

সে পরেন্দি মুই যিহূদার নেতাগুনোরে সে দেবাল উগুরে নেযেলুঙ্‌ আর ভালেদি জানেবাত্তে দ্বিবে দাঙর্‌ গান দল্‌ ঠিগ্‌ গুরিলুঙ্‌। এক্কো দলে দেবাল উগুরে ডেনেন্দি সার-গেদোর্‌ ইন্দি গেলঅ।

নহিমিয় 2:15

ইয়েনত্তে মুই সে রেদোত্‌ দেবালর অবস্থাগান চাদে চাদে কিজিঙোর্‌ ভিদিরেন্দি গেলুঙ্‌ আর কিজিঙোর-গেদো ইন্দি আরঅ শঅরত্‌ ফিরি এলুঙ্‌।

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,