নহিমিয় 2:10 - Chakma Bible

¹⁰ ইস্রায়েলীয়গুনোরে ভালেদি গুরিবাত্তে এক্কো মানুচ্‌ এচ্ছ্যে শুনিনে হোরোণীয় সন্‌বল্লট আর অম্মোনীয় মুরুব্বী টোবিয় অমকদ বেজার্‌ অলঅ।

নহিমিয় 2:10 ပူးပေါင်းရင်းမြစ်များ

নহিমিয় 13:1

পরেন্দি যেক্কে মানুচ্চুনোর ইদু মোশির বোইবো পড়া অলঅ সেক্কে সিদু দেগা গেলঅ লেগা আগেদে, কনঅ অম্মোনীয় বা মোয়াবীয় গোজেনর মানুচ্চুনোর্‌ সমাজত্‌ কনদিনঅ মিজেই ন-পারিবো।

নহিমিয় 13:28

আজল্‌ ধর্মগুরু ইলিয়াশীবোর্‌ পূঅ যিহোয়াদার এক্কো পূঅ হোরোণীয় সন্‌বল্লটর ঝিবোরে লোইয়্যে। সেনত্তেই মুই সে পূঅবোরে মর্‌ কায়-কুরেত্তুন্‌ ধাবেই দিলুং।

নহিমিয় 13:4

এ আগেন্দি ধর্মগুরু ইলিয়াশীব, যিবেরে আমা গোজেনর ঘরঅ ভান্ডাল্‌-ঘরর্‌ ভারান্‌ দিয়্যে ওইয়্যে, তে টোবিয়রে এক্কান্‌ দাঙর্‌ গুদি দিলো, কিয়া টোবিয় অলদে তার্‌ কুদুম্মো। সে গুদিবোর্‌ আগেন্দি সোজ্য-উৎসর্বর জিনিস, আগর্‌বাট্টি আর উবোসনা-ঘরর্‌ জিনিসছানি রাগা অদঅ। ইয়েনিবাদেয়ো সিদু লেবীয়, গান্‌গেইয়্যে আর চুগিদারুনোত্তে উগুম্‌-গোজ্যে সোজ্যর্‌, নূয়ো আংগুর-রসর আর তেলর্‌ দশমাংশ রাগা অদঅ আর ধর্মগুরুগুনোরে যিয়েনি দিয়্যে অদঅ সিয়েনিয়ো রাগা অদঅ।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

নহিমিয় 4:7

মাত্তর্‌ সন্‌বল্লট, টোবিয়, আরবীয়োগুনে, অম্মোনীয়গুনে আর অস্‌দোদর মানুচ্চুনে যেক্কে শুনিলাক্‌, যিরূশালেমর দেবালান্‌ ঠিগ্‌ গরানার্‌ কামান্‌ উজেই যেইয়্যে আর ফাক্‌কানি বন্দ গরা অর্‌ সেক্কে তারা অমকদ রাগ্‌ তুলিলাক্‌।

নহিমিয় 6:1

পরেন্দি সন্‌বল্লট, টোবিয়, আরবীয় গেশম আর আমা বাদবাগি শত্রুগুনে শুনিলাক্‌, মুই দেবালান্‌ আরঅ বানেয়োং আর সে দেবালানর্‌ ভিদিরে কনঅ ফাক্‌ নেই। মাত্তর্‌ সেক্কেয়ো মুই গেট্‌তুনোত্‌ দোর্‌ ন-লাগাঙ্‌।

নহিমিয় 6:16

আমা বেক্‌ শত্রুগুনে যেক্কে এ কধাগান শুনিলাক্‌ আর কায়-কুরে বেক্‌ জাদ্‌তুনে সিয়েন্‌ দেগিলাক্‌ সেক্কে আমা শত্রুগুনে সাহস আরেলাক্‌, কিত্যে তারা বুঝিলাক্‌, এ কামান্‌ আমা গোজেনর বল্লোই গরা ওইয়্যে।

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

গীতসংহিতা 112:10

পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।

গম্ উপদেজ্ 27:4

রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

গম্ উপদেজ্ 30:22

চাগর্‌‌বো যেক্কেনে তে রাজা অয়, চিগোন মন মানুচ্ যেক্কেনে তে পেট্ ভুরিনে খায়,

উপদেশক 10:7

মুই চাগরুনোর্ ঘোড়া পিদিত্ আর দাঙর্ পোজিশনর্ কামগুরিয়্যেগুনোরে চাগর ধোক্ক্যেন্ টেঙোই আঢি যাদে দেখ্যং।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

যিরমিয় 48:5

লূহীত পধেদি উদি যেবার্ অক্তত্ মান্‌‌‍‍জ্যে অমকদ কানি কানি যেবাক্; যে পথ্‌‌‍‍তান হোরোণয়িমর ইন্দি লামি যেইয়্যে সিয়েনত্ ভস্ত অনাত্তে অমকদ মনত্ দুঘোর্ কানানি শুনো যেবঅ।

প্রেরিত্‌ 4:2

ইগুনে অমকদ তোচ্চ্যে পেইয়োন, কিয়া পিতর আর যোহনে মানুচ্চুনোরে শিক্ষ্যে দেদন্ আর যীশুর মাধ্যমে মরাগুনোরে আরঅ জেদা ওই উদোনা পৌইদ্যেনে প্রচার গোজ্যন্।

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।