নহিমিয় 13:31 - Chakma Bible

³¹ ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

নহিমিয় 13:31 ပူးပေါင်းရင်းမြစ်များ

নহিমিয় 10:34

আমা রীদি-সুদোমত্‌ যিয়েনি লেগা আঘে সেধোক্কেন্‌ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্‌ ঠিগ্‌গোজ্যে আমা গোজেনর্‌ ঘরত্‌ আমা পত্তি বংশত্তুন্‌ কক্কে তক্তা আনা পুরিবো সিয়েন্‌ ঠিগ্‌ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্‌।

নহিমিয় 10:35

আমি পত্তি বজর্‌ পত্তমে কাপ্যে খেত-খেত্তি আর পত্তি গাজর্‌ পত্তম্‌ ফল্লো লগেপ্রভুর ঘরত্‌ আনিবোং।

নহিমিয় 10:38

লেবীয়গুনে যেক্কে দশমাংশ নিবাক্‌ সেক্কে তারার্‌ লগে থেবাক্‌ হারোণর বংশর এক্কো ধর্মগুরু। লেবীয়গুনে সে বেক্‌ দশমাংশগুনোর্‌ দশ ভাগর্‌ এক ভাগ্‌ আমা গোজেনর ঘরর্‌ ধনভান্ডালর্‌ গুদিগুনোত্‌ নেযেবাক্‌।

নহিমিয় 13:14

ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 25:7

মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্‌‌পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।

লূকে লেখ্যে গম্ হবর্ 23:42

সে পরেদি তে কলঅ, “যীশু, তুই যেক্কে রাজাগিরি গুরিবাত্যে ফিরি এবে সেক্কে মঅ কধাগান্ ইদোত্ তুলিবে।”