নহিমিয় 13:25 - Chakma Bible

²⁵ মুই তারারে গেইল্‌ দিলুঙ্‌ আর কলুঙ্‌ তারা উগুরে যেনে অভিশাব্ লামি এজে। তারার্‌ কয়েক্কো মান্‌জ্যরে মুই মারিলুঙ্‌ আর চুলানি উগুরে ফেলেলুঙ্‌। গোজেনর নাঙে মুই তারারে দিইনে এ শমক্‌কান্ গোরেলুঙ্‌, তারা বিদেশী পূঅগুনোর্‌ লগে তারার্‌ ঝিগুনোরে বুয়ো ন-দিবাক্‌ আর নিজে বা তারার্‌ পূঅগুনে বিদেশী মিলেগুনোরে ন-লবাক্‌।

নহিমিয় 13:25 ပူးပေါင်းရင်းမြစ်များ

২ রাজাবলী 2:24

ইলীশায় ঘুরিনে তারার্‌ ইন্দি চেলঅ আর লগেপ্রভুর নাঙে তারারে অভিশাব্‌ দিলো। সেক্কে ঝারত্তুন্‌ দ্বিবে ভালুক্‌ নিগিলি এইনে তারাত্তুন্‌ বিয়াল্লিশজন পুয়োরে কট্টা কট্টা গুরি ফেলেল।

ইষ্রা 10:5

সেক্কে ইষ্রা উদিলো আর সেই কধা মজিম কাম গুরিবাত্যে আজল্ ধর্মগুরুগুনোরে, লেবীয়গুনোরে আর সিধু এগত্তর্ ওইয়্যে ইস্রায়েলীয়গুনোরে শমক্ হাবেল। তারা বেক্কুনে শমক্ হেলাক্।

ইষ্রা 7:26

যিগুনে তুমি গোজেনর্ রীদি-সুদোম বা রাজার আইন ন মানিবা তারারে গমেডালে সাজা দিয়্যে পুরিবো। সেই সাজাগান্ মরণ বা দেজত্তুন্ দূর্ গুরি দেনা বা সোম্বোত্তি বাজেয়াপ্ত গরানা বা জেলোত্ বন্দী গরানা।

নহিমিয় 13:11

সেক্কে মুই দাঙর্‌ পোজিশনর্‌ কাম্‌গুরিয়্যেগুনোরে গেইল্‌ দিইনে পুযোর্‌ গুরিলুঙ্‌, “গোজেনর্‌ ঘরর্‌ কামত্তে যিয়েনি দরকার্‌ সিয়েনি দেদে কিত্তেই এলাফেলা ওইয়্যে?” সে পরেন্দি মুই সেই বেক্‌ লেবীয়গুনোরে ডাগিনে এগত্তর্‌ গুরিনে তারার্‌ নিজো নিজো পোজিশনত্‌ অদে অদে রাগেলুঙ্‌।

নহিমিয় 13:17

মুই সেক্কে যিহূদার মুরুব্বীগুনোরে গেইল্‌ দিইনে কলুঙ্‌, “তুমি ইয়েন্‌ কি গরর্‌? তুমি দঅ এ অন্যেই কামানি গুরিনে জিরেবার্‌ দিন্নোর্‌ সুদ্ধো-সাংগগান্‌ বর্‌বাত্‌ গোজ্য।

নহিমিয় 13:24

তারা ভিদিরে কয়েক্কো ঝি-পুঅ্‌ অস্‌দোদর বা অন্য জাদর্‌ ভাষান্দি কধা কন্‌। তারা যিহূদার্‌ ভাষায় কধা কোই ন-জানিদাক্‌।

নহিমিয় 5:13

মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

নহিমিয় 5:6

তারার্‌ কানাকুদি আর এ নালিশছানি শুনিনে মুই অমকদ রাগ্‌ তুলিলুঙ্‌।

গীতসংহিতা 119:53

পাজি মানুচ্চুনোর পাজিগানি দেগিলে অমকদ মত্তুন্ রাগ লাগে; তারা দঅ তর্ উগুমানি বাদ দুয়োন।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

গম্ উপদেজ্ 28:4

যিগুনে লগেপ্রভুর সুদোমানি ছাড়ন্ তারা পাজিগুনোরে নাঙ্ গিনোন্, মাত্তর্ যিগুনে সিয়েনি মানন্ তারা পাজিগুনোর বিরুদ্ধে যান।

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

দ্বি’লম্বর বিররণ 7:3

তুমি তারা সমারে কনঅ মেথ্‌বানর সম্পর্ক ন-গুরিবা। তমার মিলেগুনোরেয়ো তুমি তারার্‌ পূঅগুনোর্‌ আদত্‌ ন-দিবা আর তারার্‌ মিলেগুনোরেয়ো তুমি তমা পূঅগুনোত্তে ন-আনিবা,

যিহোশূয় 23:12

মাত্তর্‌ এ জাদ্‌তুনো ভিদিরে যিদুক্কুন্‌ মানুচ্‌ পরাণে বাঁজি যেইনে তমা ভিদিরে আগন্‌ তুমি যুনি লগেপ্রভুরে ছাড়িনে তারা সমারে মিজো, বা তারা সমারে বৌ দেনার কুদুম্মোগান্ থিদে গরঅ, বা তারা সমারে মিজো,