নহিমিয় 13:23 - Chakma Bible

²³ সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

নহিমিয় 13:23 ပူးပေါင်းရင်းမြစ်များ

১ রাজাবলী 11:1

রাজা শলোমনে ফরৌণর ঝিবো বাদে আরঅ ভালোক্কুন্ বিদেশী মিলেরে কোচ্‌পেদঅ। তারা জাদে অলাক্কে মোয়াবীয়, অম্মোনীয়, ইদোমীয়, সীদোনীয় আর হিত্তীয়।

ইষ্রা 10:10

সেক্কে ধর্মগুরু ইষ্রা উদিনে থিয়্যেইনে তারারে কলঅ, “তুমি অবিশ্বেজি ওইয়ো, অন্য জাদর্ মিলেগুনোরে লোইনে তুমি ইস্রায়েলীয়গুনোর্ পাপ সমারে আর পাপ মিজেয়ো।

ইষ্রা 10:44

ইক্কুনে বেক্কুনে অন্য জাদর্ মিলেরে লোইয়োন আর কনঅ কনঅ মোগোর্ পেদত্অ ঝি-পুয়ো এলাক্।

নহিমিয় 10:30

আমি আমা কায়-কুরে জাদ্‌‍‍তুনোর্‌ লগে আমা ঝিগুনোরে বৌ ন-দিবোং বা আমা পূঅগুনোত্তে তারার্‌ ঝিগুনোরে বৌ ন-নিবোং।

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 13:1

পরেন্দি যেক্কে মানুচ্চুনোর ইদু মোশির বোইবো পড়া অলঅ সেক্কে সিদু দেগা গেলঅ লেগা আগেদে, কনঅ অম্মোনীয় বা মোয়াবীয় গোজেনর মানুচ্চুনোর্‌ সমাজত্‌ কনদিনঅ মিজেই ন-পারিবো।

নহিমিয় 13:24

তারা ভিদিরে কয়েক্কো ঝি-পুঅ্‌ অস্‌দোদর বা অন্য জাদর্‌ ভাষান্দি কধা কন্‌। তারা যিহূদার্‌ ভাষায় কধা কোই ন-জানিদাক্‌।

নহিমিয় 13:27

ইক্কিনে আমাত্তুন্‌ কি এ কধানি শুনো পুরিবো, তুমিয়ো এ অমকদ পাজি কামানি গোজ্য, অত্তাৎ বিদেশী মিলেগুনোরে লোইনে আমা গোজেন উগুরে অবিশ্বেজি ওইয়ো?”

নহিমিয় 4:7

মাত্তর্‌ সন্‌বল্লট, টোবিয়, আরবীয়োগুনে, অম্মোনীয়গুনে আর অস্‌দোদর মানুচ্চুনে যেক্কে শুনিলাক্‌, যিরূশালেমর দেবালান্‌ ঠিগ্‌ গরানার্‌ কামান্‌ উজেই যেইয়্যে আর ফাক্‌কানি বন্দ গরা অর্‌ সেক্কে তারা অমকদ রাগ্‌ তুলিলাক্‌।

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

২ করিন্হীয় 6:14

তুমি অবিশ্বেজিগুনো সমারে এক জুঙোলত্ কানাগান্ ন-পাত্য। ন্যায়র্ সমারে অন্যেয়র্ মিজেনাগান কিত্যে? পহ্‌র আর আন্ধার ভিদিরে কি মিজেনা আঘে?

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

রূত 1:4

নয়মীর পূঅগুনে মোয়াব দেজর মিলেরে বৌ ললাক্‌। সে মিলেগুনোর এক্কোর্‌ নাঙান্ অলদে অর্পা আর এক্কোর্‌ নাঙান্ অলঅ‌ রূত। মহলোন আর কিলিয়োনে মোয়াব দেজত্‌ দশ বজর বজত্তি গরানার পরেন্দি মুরি গেলাক্‌। দ্বিবে পূঅ আর নেক্কোরে আরেইনে নয়মী গায় গায় রলঅ‌।

১ শমূয়েল 5:1

পলেষ্টীয়গুনে গোজেনর সুন্দুক্কো এবন্-এষরত্তুন অস্‌দোদ শঅরত্‌ নেযেলাক্।