নহিমিয় 13:22 - Chakma Bible

²² সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:22 ပူးပေါင်းရင်းမြစ်များ

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

২ রাজাবলী 23:4

রাজা সেক্কে বাল দেবেদা আর আশেরা আহ্‌ আগাজ বেক্‌ তারাগুনোরে পূজিবাত্তে বানেয়্যে বেক্‌ পযাপিরানি লগেপ্রভুর ঘরত্তুন্‌ নিগিলেবাত্তে দাঙর্‌ ধর্মগুরু হিল্কিয়রে, দ্বিলম্বরর ধর্মগুরুগুনোরে আর চুগিদারুনোরে উগুম দিলো। তে সিগুনোরে যিরূশালেমর বারেন্দি কিদ্রোণ কিজিঙোর্‌ মাদত্‌ পুড়ি ফেলেল আর ছেইয়ানি বৈথেলত্‌ নেযেল।

২ বংশধর 29:24

ইয়েন পরেন্দি ধর্মগুরুগুনে সে ছাগলুন্‌ কাবিলাক্‌ আর বেক্‌ ইস্রায়েলীয়গুনোর্‌ পাপ্পানি ঢাগিবার্‌ আজাই পূজোগুনো উগুরে সে লো-গানিলোই পাপ-উৎসর্বর পরব্‌ গুরিলাক্‌। বেক্‌ ইস্রায়েলীয়গুনোত্তে পূজ্যে-উৎসর্ব আর পাপ-উৎসর্ব গুরিবার উগুমান রাজা দিয়্যে।

২ বংশধর 29:27

সে পরেন্দি হিষ্কিয় পূজোবো উগুরে পূজ্যে-উৎসর্বর পরবর্‌ উগুমান্‌ দিলো। এ উৎসর্বর পরব্‌পান আরাম্ভ অলে লগেপ্রভুর নাঙে গান্‌অ আরাম্ভ অলঅ আর তা লগে ইস্রায়েলর রাজা দায়ূদোর্‌ বাজানা আর তূরীগুন্‌ বাজা অলঅ।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

নহিমিয় 12:10

যেশূয়োর পূঅবোর্‌ নাঙান্‌ যোয়াকীম, যোয়াকীমোর পূঅবোর্‌ নাঙান্‌ ইলিয়াশীব, ইলিয়াশীবোর পূঅবোর্‌ নাঙান্‌ যোয়াদা;

নহিমিয় 12:30

ধর্মগুরু আর লেবীয়গুনে নিজোরে সিজি গুরিলাক্‌ আর মানুচ্চুনোরেয়ো সিজি গুরিলাক্‌; পরেন্দি গেট্‌তুন আর দেবালানি সিজি গুরিলাক্‌।

নহিমিয় 13:14

ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

দ্বি’লম্বর বিররণ 5:12

তমা গোজেন লগেপ্রভু তরে যেধোক্ক্যেন উগুম্‌ গোজ্যে সেধোক্ক্যেন গুরি তুমি জিরেবার্‌ দিন্নোরে মর্‌ নাঙে যুদো গুরি রাগেবা আর সিবে পালন গুরিবা।