নহিমিয় 13:2 - Chakma Bible

² ইয়েনর্‌ কারনান্‌ অলদে, মোশির সময়োত্‌ তারা হানা আর পানি লোইনে ইস্রায়েলীয়গুনোর্‌ ইদু ন-যান্‌ বরং তারা তারার্‌ অভিশাব্‌পানি দিবাত্তে বিলিয়মরে ভাড়া গোজ্যন্‌। মাত্তর্‌ আমা গোজেনে সে অভিশাবর্‌ বদলে আশিদ্‌বাদ গোজ্যে।

নহিমিয় 13:2 ပူးပေါင်းရင်းမြစ်များ

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 23:18

বিলিয়মে সেক্কে গোজেনর্ দিয়্যে এই কধানি কুয়া ধুরিলো; “বালাক রাজা উঠ্‌, শুনিচ্‌; ও সিপ্পোরর পুয়ো, মঅ কধানি শুনিচ্‌।

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

দ্বি’লম্বর বিররণ 23:3

কনঅ অম্মোনীয় বা মোয়াবীয় লগেপ্রভুর মানুচ্চুনো সমাজত্‌ মিজেই ন-পারিবাক্; তার্‌ চৌদ্দো গুট্টিয়েও কনজনে সিয়েন কনদিনঅ গুরি ন-পারিবাক্।

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।

দ্বি’লম্বর বিররণ 23:5

মাত্তর্‌ তমার গোজেন লগেপ্রভু বিলিয়মর কধালোই ন-শুনে; তমারে কোচ্‌পায় বিলিনে তে এধোক্ক্যেন্‌ গোজ্যে যেনে সেই অভিশাপ্পান তমার আশিদ্‌বাদ ওই উদে।

২ পিতর 2:15

তারা বিয়োরর্ পুয়ো বিলিয়মর্ পধ্‌থান ধোজ্জ্যন্। বিলিয়মে ভান্ন্যেই কামর্ বকশিজ্ পেবাত্যে চেইয়্যে,