নহিমিয় 13:19 - Chakma Bible

¹⁹ মুই এ উগুমান্‌ দিলুঙ্‌, জিরেবার্‌ দিন্নোত্‌ পত্তমে যেক্কে যিরূশালেমর গেট্টুনো উগুরে সাজোন্যে ছাবা লামি এবঅ সেক্কে যেনে গেট্টুন্‌ বানা অয় আর জিরেবার্‌ দিন্নো থুম্‌ ন-অনা সং সিবে বানি রাগা অয়। জিরেবার্‌ দিন্নো যেনে কনঅ বুধি ভিদিরে আনা ন-অয় সিবে চেবাত্তে মুই মর্‌ নিজোর্‌ কয়েক্কো কাম্‌গুরিয়্যেরে গেট্টুনোত্‌ নেযেলুঙ্‌।

নহিমিয় 13:19 ပူးပေါင်းရင်းမြစ်များ

নহিমিয় 13:20

সেক্কে বেবসায়ীগুনে আর যিগুনে নানান্‌ বাবোত্যে বিজি দুয়োন্‌ তারা দ্বিএক বার্‌ যিরূশালেমর বারেন্দি রেত্‌‌‍তুন্ কাদেলাক্‌।

নহিমিয় 7:3

মুই তারারে কলুঙ্‌, “রোদ বেশ্‌ ন-অনা সং যিরূশালেমর গেট্‌তুন্‌ যেনে ন-খুলোন্‌। চুগিদারুনে যেবার্‌ আগেন্দি যেনে দোরানি বানা অয় আর হুক্কুন্‌ দিয়্যে অয়। যিরূশালেমর আদাম্মেগুনোর ভিদিরেত্তুন্‌ যেনে চুগিদারুনোরে নেযা অয়। তারাত্তুন্‌ কয়েকজনে থাদোক্‌ চুগি দিবার্‌ জাগানত্‌ আর কয়েকজনে থাদোক্‌ তারার্‌ নিজো নিজো ঘরর্‌ ইদু।”

লেবীয় 23:22

“তুমি যেক্কে তমার ভূইয়োর্ ক্ষেত্তানি কাবিবা সেক্কে ভূইয়ো দুঝির্‌ ক্ষেত্তানি তুমি ন-কাবিবা আর পড়ি থেইয়্যে শোজ্য থুবেইনে ন-নেযেবা। সিগুন্‌ নাদামানুচ্‌ আর দেজত্‌ বজত্তি গোজ্যে অন্য জাদর্‌ মানুচ্চুনোত্তে থুয়ো পুরিবো। মুই লগেপ্রভু তমার্ গোজেন।”

লেবীয় 23:32

সেদিন্নো অবঅ তমাত্তে এক্কো জিরেবার দিন। সেদিন্যে তমার দুখস্বীগের্‌ গরা পুরিবো। সেই মাজর্‌ নয় দিনোত্‌ সাজোন্যেত্তুন্‌ ধুরি আরাম্ভ গুরি তার্‌কেল্যে সাজোন্যে সং তুমি এ জিরেবার দিন্নো পালন গুরিবা।”

যোহন 5:10

ইয়েনত্তে যে মানুচ্চোরে গম্ গরা ওইয়্যে তারে যিহূদী নেতাগুনে কলাক্, “এচ্চ্যে জিরেবার্ দিন্; ধর্মর্ সুদোম্ মজিম্ পাদিবো তুলি লনা তর্ উজিত্ নয়।”