নহিমিয় 13:17 - Chakma Bible

¹⁷ মুই সেক্কে যিহূদার মুরুব্বীগুনোরে গেইল্‌ দিইনে কলুঙ্‌, “তুমি ইয়েন্‌ কি গরর্‌? তুমি দঅ এ অন্যেই কামানি গুরিনে জিরেবার্‌ দিন্নোর্‌ সুদ্ধো-সাংগগান্‌ বর্‌বাত্‌ গোজ্য।

নহিমিয় 13:17 ပူးပေါင်းရင်းမြစ်များ

নহিমিয় 13:11

সেক্কে মুই দাঙর্‌ পোজিশনর্‌ কাম্‌গুরিয়্যেগুনোরে গেইল্‌ দিইনে পুযোর্‌ গুরিলুঙ্‌, “গোজেনর্‌ ঘরর্‌ কামত্তে যিয়েনি দরকার্‌ সিয়েনি দেদে কিত্তেই এলাফেলা ওইয়্যে?” সে পরেন্দি মুই সেই বেক্‌ লেবীয়গুনোরে ডাগিনে এগত্তর্‌ গুরিনে তারার্‌ নিজো নিজো পোজিশনত্‌ অদে অদে রাগেলুঙ্‌।

নহিমিয় 13:16

যিরূশালেমত্‌ বজত্তিগুরিয়্যে সোরর মানুচ্চুনে মাছ আর বিজিবার্‌ অন্য বেক্‌ জিনিসছানি আনিনে জিরেবার্‌ দিন্নোত্‌ যিরূশালেমত্‌ যিহূদার মানুচ্চুনোর্‌ ইদু বিজি দিলাক্‌।

নহিমিয় 13:25

মুই তারারে গেইল্‌ দিলুঙ্‌ আর কলুঙ্‌ তারা উগুরে যেনে অভিশাব্ লামি এজে। তারার্‌ কয়েক্কো মান্‌জ্যরে মুই মারিলুঙ্‌ আর চুলানি উগুরে ফেলেলুঙ্‌। গোজেনর নাঙে মুই তারারে দিইনে এ শমক্‌কান্ গোরেলুঙ্‌, তারা বিদেশী পূঅগুনোর্‌ লগে তারার্‌ ঝিগুনোরে বুয়ো ন-দিবাক্‌ আর নিজে বা তারার্‌ পূঅগুনে বিদেশী মিলেগুনোরে ন-লবাক্‌।

নহিমিয় 5:7

মুই তারার্‌ কধানি মনে মনে ভাবি চেলুঙ্‌ আর সে পরেন্দি মুরুব্বী মানুচ্চুনোরে আর নেতাগুনোরে দুষ্‌ ধুরিনে কলুঙ্‌, “তুমি তমার্‌ নিজো দেজর্‌ মানুচ্চুনোর্‌ ইত্তুন্‌ সুদ আদায় গোজ্য।” সেনত্তেই মুই তারার্‌ বিচের্‌ গুরিবাত্তে দাঙর্‌ এক্কো মিটিং ডাগিলুঙ্‌।

গম্ উপদেজ্ 28:4

যিগুনে লগেপ্রভুর সুদোমানি ছাড়ন্ তারা পাজিগুনোরে নাঙ্ গিনোন্, মাত্তর্ যিগুনে সিয়েনি মানন্ তারা পাজিগুনোর বিরুদ্ধে যান।

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

লেবীয় 19:17

অন্য উগুরে মন ভিদিরে ঘিনাইদে মনোভাব রাগানা ন-চলিবো। অন্য মান্‌জ্যর্‌ দুষ্‌চান্‌ হামাক্কায়্‌ দেগেই দিয়া পড়িবো যেনে তার্‌ কারনে তুমি নিজে দুষি ন-অ।

মীখা 3:1

মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

মীখা 3:9

ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।