নহিমিয় 13:14 - Chakma Bible

¹⁴ ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:14 ပူးပေါင်းရင်းမြစ်များ

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

২ বংশধর 24:16

ইস্রায়েল ভিদিরে গোজেনত্তে আর তা ঘরত্তে তে যেদক্কানি গম্‌ কাম্‌ গোজ্যে সেনত্তে তারে দায়ূদ-শঅরত্‌ রাজাগুনোর লগে গোর্ দিয়্যে অলঅ।

ইষ্রা 7:20

ইয়েনিবাদে তমা গোজেন ঘরত্তে আর যিয়েনি দরকার সিয়েনির খরচ তুই রাজভান্ডালত্তুন্ লোইনে দিবে।

ইষ্রা 7:24

আমি তমারে আরঅ কোত্তে, গোজেনর্ সেই ঘরর কনঅ ধর্মগুরু, লেবীয়, গানগেইয়্যে, চুগিদার্, সেবাগুরিয়্যে বা অন্য কনঅ কামগুরিয়্যে উগুরে কনঅ খাজানা, কর্‌ বা শুল্ক বোজেবার্ খেমতা তমার্ নেই।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।