নহিমিয় 13:13 - Chakma Bible

¹³ ধর্মগুরু শেলিমিয়, ধর্ম-মাস্টর্‌ সাদোক আর পদায় নাঙে এক্কো লেবীয়রে মুই ভান্ডাল্‌-ঘরর্‌ ভারান্‌ দিলুঙ্‌ আর সক্কুরোর্‌ পূঅ, অত্তাৎ মত্তনিয়োর নাদিন্‌ হাননরে তারার্‌ এজাল্‌দিয়্যে ইজেবে নেযেলুঙ্‌। বেক্কুনে এ মানুচ্চুনোরে বিশ্বেজি মনে গুরিদাক্‌। তারা উগুরে তারার্‌ গুট্টি-ভেইয়ূনোর্‌ ভাগ্‌কুন ভাগ্‌ গুরি দেনার্‌ ভারান্‌ দিয়্যে অলঅ।

নহিমিয় 13:13 ပူးပေါင်းရင်းမြစ်များ

২ রাজাবলী 12:15

সে চেইদিয়্যেগুনোর্‌ ইত্তুন্‌ ইজেব নেযেবার্‌ দরকার ন-অদঅ, কিত্তে তারা পুরোপুরি বিশ্বেজ্ গুরিনে কাম্‌ গুরিদাক্‌।

২ রাজাবলী 12:16

দুষ-উৎসর্বর আর পাপ-উৎসর্বর টেঙাগুন্‌ লগেপ্রভুর ঘর বাক্‌সুবোত্‌ ন-রাগেদাক; সিগুন্‌ অদঅ ধর্মগুরুগুনোর ভাগ।

২ রাজাবলী 22:7

তারা আঢত্‌ যে টেঙাগুন্‌ দিয়্যে অবঅ সিগুনোর্‌ ইজেব তারারে দিয়্যে ন-পুরিবো, কিত্তে তারা বিশ্বেজ্ গুরি কাম্‌ গরন্‌।”

নহিমিয় 10:12

সক্কূর, শেরেবিয়, শবনিয়,

নহিমিয় 10:38

লেবীয়গুনে যেক্কে দশমাংশ নিবাক্‌ সেক্কে তারার্‌ লগে থেবাক্‌ হারোণর বংশর এক্কো ধর্মগুরু। লেবীয়গুনে সে বেক্‌ দশমাংশগুনোর্‌ দশ ভাগর্‌ এক ভাগ্‌ আমা গোজেনর ঘরর্‌ ধনভান্ডালর্‌ গুদিগুনোত্‌ নেযেবাক্‌।

নহিমিয় 11:22

যিরূশালেমত্‌ লেবীয়গুনোর আজল্‌ কাম্‌গুরিয়্যে এলদে বানির পূঅ উষি। বানির পূরোণিমানুচ্চুন্‌ অলাক্‌ হশবিয়, মত্তনীয়, মীখা আর আসফ। আসফর বংশর মানুচ্চুনে গায়ক্‌ ইজেবে গোজেনর ঘরত্‌ সেবা-কাম্‌ গুরিদাক্‌।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 3:30

তার্‌ কায়-কুরে শেলিমিয়োর পূঅ হনানিয় আর সালফর ছয় লম্বর্‌ পূঅ হানূনে আর এক্কান্‌ ভাগ্‌ ঠিগ্‌ গুরিলো। সিয়েনর্‌ কায়-কুরে ভাগ্‌কান বেরিখিয়োর পূঅ মশুল্লমে ঠিগ্‌ গুরিলো। ইয়েন্‌ অলদে তা ঘরর্‌ মুজুঙেন্দিগান।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

নহিমিয় 8:4

বোইবো পড়িবাত্তে তক্তালোই যে মঞ্চবো বানা ওইয়্যে সিবে উগুরে ধর্ম-মাস্টর্‌ ইষ্রা যেইনে থিয়্যেল। সিবের্‌ ডেনেন্দি থিয়্যেইয়্যে এলঅ্‌ মত্তিথিয়, শেমা, অনায়, উরিয়, হিল্কিয় আর মাসেয়; আর তার্‌ বাঙেন্দি এলদে পদায়, মীশায়েল, মল্কিয়, হশুম, হশবদ্দানা, সখরিয় আর মশুল্লমে।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

১ তীমথিয় 1:12

আমার প্রভু যীশু খ্রীষ্ট, যিবে মরে খেমতা দান গোজ্জ্যে, তারে মুই ভালেদি জানাং, কিয়া তে মরে বিশ্বেজি মনে গুরিনে তার্ সেবা কামত্ বেঈ লোইয়্যে।

১ তীমথিয় 3:10

তারারে আগে তোলেই চাহ্ পরিবো; সে পরেদি যুনি তারা নিদ্দুজি বিলিনে প্রমাণিত অন্ সালে পরিচারক ওই পারিবাক্।