নহিমিয় 12:8 - Chakma Bible

⁸ লেবীয়গুনো ভিদিরে যেশূয়, বিন্নুয়ী, কদ্‌মীয়েল, শেরেবিয়, যিহূদা আর মত্তনিয়। ভালেদি গানর্‌ চেইচিদিবার্‌ ভারান্‌ এলদে মত্তনিয় আর তা বংশর মানুচ্চুনো উগুরে।

নহিমিয় 12:8 ပူးပေါင်းရင်းမြစ်များ

১ বংশধর 9:33

লেবি-গুট্টির বংশ-নেতাগুনে যিগুনে গান-বাজনা গুরিদাক্‌ তারা তবনা-ঘরর্‌ গুদিগুনোত্‌ থেদাক্‌। গান-বাজনা কামত্‌ তারা দিন-রেত্‌ থেদাক্‌ বিলিনে তারা উগুরে অন্য কনঅ কাম ভারান্‌ দিয়্যে ন-অয়।

ইষ্রা 2:40

লেবীয়গুন অলাক্ ইগুন্: যেশূয় আর কদ্‌মীয়েলর বংশর হোদবিয়র বংশর মানুচ্চুন চুয়োত্তরজন।

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 11:22

যিরূশালেমত্‌ লেবীয়গুনোর আজল্‌ কাম্‌গুরিয়্যে এলদে বানির পূঅ উষি। বানির পূরোণিমানুচ্চুন্‌ অলাক্‌ হশবিয়, মত্তনীয়, মীখা আর আসফ। আসফর বংশর মানুচ্চুনে গায়ক্‌ ইজেবে গোজেনর ঘরত্‌ সেবা-কাম্‌ গুরিদাক্‌।

নহিমিয় 12:24

লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

নহিমিয় 12:7

সল্লু, আমোক, হিল্কিয় আর যিদয়িয়। যেশূয়োর সময়োত্‌ ইগুনে এলাক্‌ ধর্মগুরুগুনোর আর তারার্‌ বংশর মানুচ্চুনো ভিদিরে আজল্‌।

নহিমিয় 12:9

সেবা-কামর্‌ সময়োত্‌ তারার্‌ মুয়ো-মি থিয়্যেদ তারার্‌ বংশর বক্‌বুকিয় আর উন্নো।

নহিমিয় 7:43

লেবীগুনে অলাক্কে ইগুন্‌: যেশূয়োর বংশর কদ্‌মীয়েল আর হোদবিয়োর বংশর মানুচ্চুনে চুয়োত্তর্‌ জন।

নহিমিয় 7:48

লবানা, হগাব আর শল্‌ময়র বংশধরুনে;

নহিমিয় 9:4

যেশূয়, বানি, কদ্‌মীয়েল, শবনিয়, বুন্নি, শেরেবিয়, বানি আর কনানী নাঙে লেবীয়গুনে তারার্‌ মঞ্চর্‌ উগুরে থিয়্যেইনে রঅ ছাড়ি ছাড়ি তারার্‌ গোজেন্‌ লগেপ্রভুরে ডাগিলাক্‌।