নহিমিয় 12:46 - Chakma Bible

⁴⁶ বোউত্‌ বজর্‌ আগেত্তুন্‌ ধুরি দায়ূদ আর আসফর সময়োত্‌ গোজেনর নাঙে বাঈনী আর ভালেদির গান গেবাত্তে গানগেইয়্যেগুনোরে আর পরিচালক্কুনোরে নেযা ওইয়্যে।

নহিমিয় 12:46 ပူးပေါင်းရင်းမြစ်များ

১ বংশধর 9:33

লেবি-গুট্টির বংশ-নেতাগুনে যিগুনে গান-বাজনা গুরিদাক্‌ তারা তবনা-ঘরর্‌ গুদিগুনোত্‌ থেদাক্‌। গান-বাজনা কামত্‌ তারা দিন-রেত্‌ থেদাক্‌ বিলিনে তারা উগুরে অন্য কনঅ কাম ভারান্‌ দিয়্যে ন-অয়।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

গীতসংহিতা 137:4

মাত্তর্ বিদেশ মাদিত্ আমি কেধোক্ক্যেন গুরি লগেপ্রভুর গীদ্ গেই পারিদোং?

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গীতসংহিতা 83:1

ও গোজেন, তুই জুরো গুরি বোই ন-থেচ্; ও গোজেন, তুই মুয়োন বানি ন-রাগেচ্, সাড়্ দিচ্।