নহিমিয় 12:45 - Chakma Bible

⁴⁵ দায়ূদ আর তার্‌ পূঅ শলোমনর্ উগুম মজিম্ ধর্মগুরু আর লেবীয়গুনে তারার্‌ গোজেনর সেবা-কাম্‌ আর সিজি গুরিবার্‌ কামানি গুরিদাক্‌ আর গানগেইয়্যে আর চুগিদারুনে তারার্‌ ঠিগ্‌ গোজ্যে কামানি গুরিদাক্‌।

নহিমিয় 12:45 ပူးပေါင်းရင်းမြစ်များ

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 23:28

এ লেবীয়গুনোর্‌ কামান্‌ এলদে লগেপ্রভু ঘরর্‌ সেবা-কামত্‌ হারোণ বংশধরুনোরে বল্‌ দেনা। ইয়েনি ভিদিরে এলদে তবনা-ঘরর্‌ উদোন্‌ আর কায়-কুরে গুদিগুন্‌ দেগাশুনো গরানা, বেক্‌ পবিত্র জিনিসছানি সিজি গুরি নেযানা আর গোজেন ঘরর্‌ অন্য কামানি গরানা।

১ বংশধর 26:26

রাজা দায়ূদ, ইস্রায়েল নানান্‌ বংশর নেতাগুন, আজার্ আর শত উগুরে সৈন্যর সেনাপতিগুন আর বেগঅ দাঙর্‌ সেনাপতিগুন যেদক্কানি পযাপিরা গোজেন নাঙে যুদো গুরি রাগেয়োন্‌ শলোমৎ আর তা বংশর মানুচ্চুনে সে পযাপিরানির ভান্ডালর্‌ চেইচিদিয়্যে এলাক্‌।

২ বংশধর 23:6

ধর্মগুরুগুনে আর সেবা-কামত্তে থেইয়্যে লেবীয়গুনে বাদেয়ো আর কনজনে লগেপ্রভুর ঘরত্‌ ন-সুমিবা। ইগুনে সোমেবাক্‌, কিত্তে ইগুনে গোজেন নাঙে ফারগ্ গোজ্যে, মাত্তর্‌ অন্য বেক্‌ মানুচ্চুনে লগেপ্রভুর উগুম্‌ মজিম বারেন্দি থেবাক্‌।