নহিমিয় 12:44 - Chakma Bible

⁴⁴ ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 12:44 ပူးပေါင်းရင်းမြစ်များ

১ বংশধর 23:28

এ লেবীয়গুনোর্‌ কামান্‌ এলদে লগেপ্রভু ঘরর্‌ সেবা-কামত্‌ হারোণ বংশধরুনোরে বল্‌ দেনা। ইয়েনি ভিদিরে এলদে তবনা-ঘরর্‌ উদোন্‌ আর কায়-কুরে গুদিগুন্‌ দেগাশুনো গরানা, বেক্‌ পবিত্র জিনিসছানি সিজি গুরি নেযানা আর গোজেন ঘরর্‌ অন্য কামানি গরানা।

১ বংশধর 26:20

গোজেন ঘরর ধনভান্ডাল্‌ আর গোজেন নাঙে যুদো গোজ্যে পযাপিরার্‌ ধনভান্ডাল চেইচিদেনার্‌ ভারান্‌ এলদে বাদবাগি লেবীয়গুনো ভিদিরেত্তুন্‌ অহিয়োর উগুরে।

১ বংশধর 9:26

যে চেরজন্‌ লেবীয় আজল্‌ চুগিদার এলাক্‌ তারা উগুরে এলঅ গোজেন ঘরর্‌ ধনভান্ডাল গুদিগুনো ভারান্‌।

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

গম্ উপদেজ্ 8:34

যে মানুচ্চো মঅ কধানি শুনে আর পত্তিদিন মঅ দোরো ইদু জাগি থায় আর মঅ দোরো ফ্রেমান ইদু বাজ্জেই থেইনে তে সুগি;

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

গণাণা 3:10

ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

রোমীয় 12:7

যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্;

দ্বি’লম্বর বিররণ 18:8

তা বাপ্পোর্‌ ফেলে যেইয়্যে পযাপিরানি বিঝিনে টেঙা পেলেয়ো সিদুগোর্ লেবীয়গুনো সমারে তে সং সং ভাগর অধিকারী অবঅ।