নহিমিয় 12:43 - Chakma Bible

⁴³ গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

নহিমিয় 12:43 ပူးပေါင်းရင်းမြစ်များ

২ বংশধর 20:13

সে অক্তত্‌ যিহূদার বেক্‌ মানুচ্চুনে তারার্‌ মোক্‌, ঝি-পুয়োগুনে আর চিগোন্‌ পুয়োগুনোরে লোইনে সিদু লগেপ্রভুর মুজুঙোত্‌ থিয়্যেই এলাক্‌।

২ বংশধর 20:27

সে পরেন্দি যিহোশাফট পিজে পিজে যিহূদা আর যিরূশালেমর বেক্‌ মানুচ্চুনে রঙ্গ-ফুত্তি গত্তে গত্তে যিরূশালেমত্‌ ফিরি এলাক্‌, কিয়া তারার্‌ শত্রুগুনো উগুরে লগেপ্রভু তারারে জিদেই দিলো।

২ বংশধর 7:10

সাত মাজর্ তেইশ দিনোত্‌ রাজা মানুচ্চুনোরে যার্‌ যার্‌ ঘরত্ পাধেই দিলো। দায়ূদ, শলোমন আর তা মানুচ্‌ ইস্রায়েলীয়গুনো উগুরে লগেপ্রভু যেদক্কানি ভালেদি গোজ্যে সিয়েনিত্তে তারা হুজি ওইনে ফিরি গেলাক্‌।

ইষ্রা 3:13

মানুচ্চুনে এদক্ রঅ ছাড়িলাক্কে যে, কুবো হুজির রঅ আর কানানার্ রঅ কনজনে সিয়েন বুঝি ন পারিলাক। বোউত্ দূরোত্তুন্ সেই রঅগুন শুনো যেইয়্যে।

নহিমিয় 12:27

যিরূশালেমর দেবালান্‌ গোজেনর নাঙে উৎসর্বর পরবোর্‌ সময়োত্‌ লেবীয়গুনে যিয়েনত্‌ বজত্তি গুরিদাক্‌ সিয়েনত্তুন্‌ তারারে যিরূশালেমত্‌ যিরূশালেমত্‌ আনা অলঅ যেনে তারা ঝোন্‌জোনি, বীণা আর হার্‌মোনি বাজেইনে আর ভালেদির্‌ গান্‌ গেইনে হুজিয়্যে রাজিয়্যে সে মেট্‌বানান্‌ পালেই পারন্‌।

নহিমিয় 12:42

ইগুনে বাদেয়ো রলাক্‌ মাসেয়, শময়িয়, ইলিয়াসর, উষি, যিহোহানন, মল্কিয়, এলম আর এষর। গানর দলঅ মানুচ্চুনে যিষ্রহিয়োর্‌ উগুম্‌ মজিম্‌ গান গেলাক্‌।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

গীতসংহিতা 27:6

যিদুক্কুন্ শত্রুয়ে মরে ঘিরিনে ধোজ্যন্ তারাত্তুন্ বেশ্ সেক্কেনে মর্ সর্মানান্ বাড়িবো; মুই তা ঘরত্ হুজিয়ে রঅ ছাড়ি ছাড়ি নানান্ বাবোত্যে উৎসর্ব গুরিম; মুই লগেপ্রভুর নাঙে গীত্ গেম্ আর তার নাঙ্ গিনেদে গান গেম্।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 9:2

তরে নিইনে মুই হুজি থেম্ আর ফুত্তি গুরিম। ও দাঙর্ গোজেন, মুই তর্ নাঙ্ গিনেদে গান গেইম্।

গীতসংহিতা 92:4

ও লগেপ্রভু, তর্ কামানিয়ে মরে হুজি গোজ্যে; তর্ বেক কামানিত্যে মুই হুজিয়ে গীদ্ গেম্।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

মথি লেখ্যে গম্ হবর্ 21:15

তে যেদক্কানি আমক্ অবার্ কাম্ গোজ্যে আজল্ ধর্মগুরুগুনে আর ধর্ম-মাষ্টরুনে সিয়েনি দেগিলাক্। তারা উবোসনা-ঘর ভিদিরে চিগোন্ গুরোগুনে রঅ ছাড়িনে কদে শুনিলাক্, “হোশান্না, দায়ূদো গুট্টি!”

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

যাকোব 5:13

তমাত্তুন্ কি কেঅ দুঘোত্ ভুগোর্? তে তবনা গোরোক্। কেঅ কি সুগী?

১ শমূয়েল 4:5

লগেপ্রভুর সাক্ষ্য-সুন্দুক্কো তাম্বুলোত আনানার পরেন্দি ইস্রায়েলীয়গুনে বেক্কুনে এন্‌ দাঙর্‌ গুরি কিজেক্‌ সারি উদিলাক্, দেজর্‌ বেক্‌ জাগায়ানিত্‌ হবর্‌ পেলাক।