নহিমিয় 12:30 - Chakma Bible

³⁰ ধর্মগুরু আর লেবীয়গুনে নিজোরে সিজি গুরিলাক্‌ আর মানুচ্চুনোরেয়ো সিজি গুরিলাক্‌; পরেন্দি গেট্‌তুন আর দেবালানি সিজি গুরিলাক্‌।

নহিমিয় 12:30 ပူးပေါင်းရင်းမြစ်များ

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

১ বংশধর 15:14

সেক্কে ধর্মগুরুগুনে আর লেবীয়গুনে গোজেন নাঙে নিজোরে ফারক্‌ গুরি নিলাক্‌ যেনে তারা ইস্রায়েল গোজেন লগেপ্রভুর সুন্দুক্কো আনি পারন্‌।

২ বংশধর 29:34

ধর্মগুরুগুনে কম্‌ অনায় তারা বেক্‌ পূজ্যে-উৎসর্বর য়েমান চামানি চুলি ন-পারিলাক্‌; সেনত্তে কাম্‌ থুম্‌ ন-অনা সং আর অন্য ধর্মগুরুগুনে সিজি ন-অনা সং তারার্‌ লেবীয় ভেইয়ূনে তারা কামত্‌ বল্‌ দিলাক্‌, কিত্তে নিজোরে সিজি গরানা পৌইদ্যেনে ধর্মগুরুগুনোত্তুন্‌ লেবীয়গুনে আরঅ বেশ্‌ মনযোগী এলাক্‌।

২ বংশধর 29:5

“লেবীয়গুন্‌, মঅ কধাগান শুনো; তুমি নিজোর্‌ আর তমার্‌ পূরোণি মানুচ্চুনোর্‌ গোজেন লগেপ্রভুর ঘরান্‌ সিজি গরঅ। এ সুদ্ধো-সাংগ জাগানত্তুন্‌ বেক্‌ অসিজি জিনিসছানি দূর্‌ গরঅ।

ইষ্রা 6:21

বন্দীদযাত্তুন্ ফিরি এচ্চ্যে ইস্রায়েলীয়গুনে আর দেজত্ বজত্তি গুরিয়্যে ইস্রায়েলীয়গুনে যিগুনে ইস্রায়েলর গোজেন লগেপ্রভুর আওজ্ মজিম চলিবাত্যে তারার্ অযিহূদী পাড়াল্যেগুনোর্ ফিবলা খাচ্চ্যেগত্তুন্ নিজোরে যুদো গোজ্যন্ তারা বেক্কুনে একসমারে সেই য়েরাগান্ হেলাক্।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:30

এধোক্কেন্‌ গুরিনে মুই বেক্কুনো ভিদিরেত্তুন্‌ বিদেশীয় বেক্কানি দূর্‌ গুরি দিলুঙ্‌। পরেন্দি ধর্মগুরু আর লেবীয়গুনোর কাম্‌ অনুসারে তারার্‌ পত্তিজনর্‌ কামানি ভাগ্‌ গুরি দিলুঙ্‌।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

ইব্রীয় 5:1

মান্‌জ্যর্ ওইনে গোজেনর্ সেবা গুরিবাত্যে পত্তি দাঙর্ ধর্মগুরুরে মান্‌জ্য ভিদিরেত্তুন্ বেঈ লোইনে নেযা অয়, যেনে তে মান্‌জ্যর্ পাপত্যে য়েমান উৎসর্ব গরে আর অন্য জিনিস্-অ উৎসর্ব গরে।

ইব্রীয় 5:3

তে যেধোক্ক্যেন অন্য মানুচ্চুনোর্ পাপত্যে য়েমান উৎসর্ব গরে সেধোক্ক্যেন নিজে নরম বিলি নিজোর্ পাপত্যেয়ো তাত্তুন্ সেই উৎসর্বগান গরা পরে।