নহিমিয় 12:25 - Chakma Bible

²⁵ মত্তনিয়, বক্‌বুকিয়, ওবদিয়, মশূল্লম, টল্‌মোন আর অক্কুব অলদে চুগিদার। ইগুনে গেদোর্‌ কায়-কুরে ভান্ডালুনোর্‌-ঘরানি চুগি দিদাক্‌।

নহিমিয় 12:25 ပူးပေါင်းရင်းမြစ်များ

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 23:32

ইঙিরিনে লেবীয়গুনে মিলন-তাম্বুলোর আর পবিত্র জাগানি দেগাশুনো গুরিদাক্‌ আর লগেপ্রভুর ঘর সেবা-কামত্তে তারার্‌ ভেই হারোণ বংশধরুনো অধীনোত্‌ কাম্‌ গুরিদো।

১ বংশধর 26:12

নানান্‌ দলে ভাগ গোজ্যে এ চুগিদারুনে তারা নেতাগুনোর্‌ অধীনোত্‌ থেইনে তারা গুট্টি-ভেইয়ুনো ধোক্ক্যেন লগেপ্রভুর ঘরত্‌ সেবা-কামর্‌ ভারান্‌ পেইয়োন্‌।

১ বংশধর 26:15

দোগিণেন্দি গেট্টোত্ চাম্বাত্ উদিলো ওবেদ-ইদোম নাঙে। ভান্ডাল-ঘরত্তে চাম্বাত্ উদিলো তাহ্ পুয়োগুনো নাঙে।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

যিশাইয় 21:8

সেক্কে সেই চুগিদার্‌বো রঅ ছাড়িনে কবঅ, “ও মর্ প্রভু, দিনকে দিন অজল্ চুগিদার-ঘরত্ মুই থিয়্যেই থাং; মুই পত্তি রেদোত্ মর্ চুগি দেদে জাগানত্ থাং।