নহিমিয় 12:24 - Chakma Bible

²⁴ লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

নহিমিয় 12:24 ပူးပေါင်းရင်းမြစ်များ

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

১ বংশধর 16:4

লগেপ্রভুর সুন্দুক্কো মুজুঙোত্‌ সেবা-কামত্তে দায়ূদে কয়েক্কো লেবীয়রে নেযেল যেনে তবনা গরানা, ভালেদি জানানা আর ইস্রায়েল গোজেন লগেপ্রভুরে বাঈনী গুরি পারন্‌।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

ইষ্রা 2:40

লেবীয়গুন অলাক্ ইগুন্: যেশূয় আর কদ্‌মীয়েলর বংশর হোদবিয়র বংশর মানুচ্চুন চুয়োত্তরজন।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 12:23

লেবির বংশর মুরুব্বীগুনোর নাঙানি ইলিয়ামীবোর পূঅ যোহাননর সময়বো সং বংশাবলি নাঙে বোইবোর্‌ ভিদিরে লেগা ওইয়্যে।

নহিমিয় 8:7

যেশূয়, বানি, শেরেবিয়, যামীন, অক্কুব, শব্বথয়, হোদিয়, মাসেয়, কলীট, অসরীয়, যোষাবদ, হানন আর পলায়-এ লেবীয়গুনে সিয়েনত্‌ থিয়্যেই থেইয়্যে মানুচ্চুনোরে রীদি-সুদোমর্ পৌইদ্যেনে বুঝেই দিলাক্‌।

নহিমিয় 9:4

যেশূয়, বানি, কদ্‌মীয়েল, শবনিয়, বুন্নি, শেরেবিয়, বানি আর কনানী নাঙে লেবীয়গুনে তারার্‌ মঞ্চর্‌ উগুরে থিয়্যেইনে রঅ ছাড়ি ছাড়ি তারার্‌ গোজেন্‌ লগেপ্রভুরে ডাগিলাক্‌।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

যিহোশূয় 14:6

যিহূদা-গুট্টির্‌ মানুচ্চুনে গিল্‌গলত্‌ যিহোশূয়র ইদু গেলাক্‌ আর কনিসীয় যিফুন্নির পূঅ কালেবে তারে কলঅ‌, লগেপ্রভু কাদেশ-বর্ণেয়ত গোজেনর্‌ মানুচ্‌ মোশি ইদু মর্‌ আর তঅ পৌইদ্যেনে যিয়েনি কোইয়্যে সিয়েনি তর্‌ জানা আঘে।