নহিমিয় 11:30 - Chakma Bible

³⁰ সানোহ, অদুল্লম আর সিয়েনির কায়-কুরে আদামানি, লাখীশ আর সিয়েনর্‌ কায়-কুরে আদামানি আর অসেকা আর সিয়েনর কায়-কুরে আদামানি। তারা বের্‌-শেবাত্তুন্‌ আরাম্ভ গুরিনে হিন্নোম কিজিঙ্‌ সং বেক্‌ জাগানিত্‌ বজত্তি গুরিদাক্‌।

নহিমিয় 11:30 ပူးပေါင်းရင်းမြစ်များ

পত্থম 21:14

সেক্কে অব্রাহামে বেন্যেপোত্যে উদিনে কিজু হানা আর পানি ভোজ্যে এক্কো চাম থৈল্যে হাগার করত্ তুলি দিলো। সে পরেদি পুয়োবোরে তা আদত্‌ দিইনে তারে বিদেয়্‌ গুরি দিলো। সিয়েনত্তুন্‌ নিগিলেনে হাগারে বের্‌-শেবার ধূল্যেচর ভূইয়ো-চাগালাত্‌ ঘুরি ঘুরি থেলঅ।

পত্থম 25:16

ইশ্মায়েলর এ বারজন পুয়ো এলাক্‌ বারবো গুট্টির্‌ সদ্দার্। তারা নাঙানি অনুসারে তারার আদাম আর আদাম বারেন্দি তাম্বুল-তাঙেবার জাগার্ নাঙানি রাগা ওইয়্যে।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

নহিমিয় 11:29

ঐন্‌-রিম্মোন, সরা, যর্মূত,

নহিমিয় 11:31

বিন্যামীন-গুট্টির্‌ মানুচ্চুনে যেদক্কানি আদামত্‌ বজত্তি গুরিদাক্‌ সিয়েনি অলদে গেবা, মিক্‌মস, অয়া, বৈথেল আর সিয়েনির্‌ কায়-কুরে আদামানি,

নহিমিয় 3:13

কিজিঙো-গেট্‌তুয়ো ঠিগ্‌ গুরিলাক্ হানূনে আর সানোহর আদাম্মেগুন। তারা সিয়েন দোরান্‌, খিলুন্‌ আর হুক্কুন্‌ লাগেলাক্‌। তারা সার-গেট্‌তুয়ো সং দেবালর এক আজার আত্‌ জাগায়ো ঠিগ্‌ গুরিলাক্‌।

যিশাইয় 37:8

পরে রব্‌শাকি শুনিলোদে, আসিরিয়ার্ রাজা লাখীশ জাগায়ান ছাড়ি যেইনে লিব্‌নার বিরুদ্ধে যুদ্ধো গোজ্যে। সেনত্তে রব্‌শাকি সিয়েনত্ গেলঅ।

যিরমিয় 19:2

সে পরেদি খাপ্‌রা-গেদোত্ সোমেবার পধ ইধু বিন্‌-হিন্নোম কলগত্ যাহ্। মুই তরে যে কধাগান কোম্ সিয়েন সিদু ফগদাং গর্।

যিরমিয় 19:6

সেনত্তে এমন দিন এজের্ যেক্কে মান্‌‌জ্যে এ জাগায়ানরে আর তোফৎ বা বিন্‌-হিন্নোম কলগত্ ন-কবাক্, কবাক্ জবাই গুরিবার কলগ্।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

মীখা 1:15

ও মারেশায় বজত্তি গুরিয়্যে মানুচ্চুন, লগেপ্রভু তমা বিরুদ্ধে এক্কো গজক্ গুরিয়্যে পাদেব। ইস্রায়েলর বেক্ বাঈনীগান অদুল্লমত্ যেবগোই।

যিহোশূয় 10:3

সেনত্যে হিব্রোণর রাজা হোহম, যর্মূতর রাজা পিরাম, লাখীশর রাজা যাফিয় আর ইগ্লোনর রাজা দবীরর কায়কুরে যিরূশালেমর রাজা অদোনী-ষেদকে এ কোজোলীগান্‌ গুরিনে পাদেল,

যিহোশূয় 12:15

লিব্‌নার রাজা, অদুল্লমের রাজা, মক্কেদার রাজা, বৈথেলর রাজা, তপূহর রাজা, হেফরর রাজা,

যিহোশূয় 15:8

সিয়েনত্তুন্‌ সিয়েন যিবূশীয়গুনোর শঅরর্‌, অত্তাৎ যিরূশালেমর দোগিণে কামা জাগায়ান্‌ সং যেইনে বেন-হিন্নোমর কিজিঙোত্‌ উদিলো। সিয়োত্তুন দুযির্‌ চিহ্নোগান্‌ রফায়ীম কিজিঙোর্‌ উত্তর দুযির্‌ হিন্নোম কিজিঙোর্‌ পোজিমে যে মুড়োবো আঘে সিয়েনত্‌ উদিলো।

যিহোশূয় 18:16

পরেন্দি সে দুযির্‌ চিহ্নোগান রফায়ীম কিঝিঙো উত্তোরে বেন-হিন্নোম কিঝিঙোর্‌ মুজুঙোত্‌ মুড়োবোর কামা সং লামি গেলঅ‌। সে পরেন্দি সিয়েন হিন্নোম কিঝিঙোর ভিদিরেন্দি যিবূশীয়গুনোর শঅরর্‌ দোগিণেন্দি কামা জাগানত্‌ সং যেইনে ঐন্‌-রোগেল সং গেলগোই।