নহিমিয় 11:17 - Chakma Bible

¹⁷ ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 11:17 ပူးပေါင်းရင်းမြစ်များ

২ শমূয়েল 9:12

মীখা নাঙে মফীবোশতর এক্কো চিগোন্ পূঅ এলঅ; সীবোর ঘরর্‌ বেক্কুনে এলাক্‌ মফীবোশতর্‌ চাগর্‌।

১ বংশধর 16:4

লগেপ্রভুর সুন্দুক্কো মুজুঙোত্‌ সেবা-কামত্তে দায়ূদে কয়েক্কো লেবীয়রে নেযেল যেনে তবনা গরানা, ভালেদি জানানা আর ইস্রায়েল গোজেন লগেপ্রভুরে বাঈনী গুরি পারন্‌।

১ বংশধর 16:41

তারা সমারে এলাক্‌ হেমন, যিদূথূন আর বাদবাগি মানুচ্চুনে, যিগুনো নাঙানি গিনিনে বেঈ নেযা ওইয়্যে যেনে তারা লগেপ্রভুর জিংকানিবর্‌ থুম্‌ ন-ওইয়্যে কোচ্‌পানাত্তে তারে ভালেদি জানে পারন্‌।

১ বংশধর 9:15

বকবক, হেরশ, গালল আর মীখার পুয়ো মত্তনিয়। মত্তনিয় পূরোণি মানুচ্চুনো ভিদিরে এলাক্‌ সিখ্রি আর আসফ।

নহিমিয় 10:12

সক্কূর, শেরেবিয়, শবনিয়,

নহিমিয় 11:16

ইগুন্‌ বাদেয়ো এলদে শব্বথয় আর যোষাবাদ নাঙে লেবীয়গুনোর ভিদিরে দ্বিজন আজল্‌ মানুচ্‌, যিগুনোর্‌ আঢত্‌ গোজেনর ঘরর্‌ বারেন্দি কামানি চেইচিদিবার্‌ ভারান্‌ এলঅ।

নহিমিয় 11:18

পবিত্র শঅরর্‌ লেবীয়গুনে বেক্কুনে অলাক্‌ দ্বিশঅ চুরোশি জন।

নহিমিয় 12:24

লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

নহিমিয় 12:25

মত্তনিয়, বক্‌বুকিয়, ওবদিয়, মশূল্লম, টল্‌মোন আর অক্কুব অলদে চুগিদার। ইগুনে গেদোর্‌ কায়-কুরে ভান্ডালুনোর্‌-ঘরানি চুগি দিদাক্‌।

নহিমিয় 12:31

সে পরেন্দি মুই যিহূদার নেতাগুনোরে সে দেবাল উগুরে নেযেলুঙ্‌ আর ভালেদি জানেবাত্তে দ্বিবে দাঙর্‌ গান দল্‌ ঠিগ্‌ গুরিলুঙ্‌। এক্কো দলে দেবাল উগুরে ডেনেন্দি সার-গেদোর্‌ ইন্দি গেলঅ।

নহিমিয় 12:46

বোউত্‌ বজর্‌ আগেত্তুন্‌ ধুরি দায়ূদ আর আসফর সময়োত্‌ গোজেনর নাঙে বাঈনী আর ভালেদির গান গেবাত্তে গানগেইয়্যেগুনোরে আর পরিচালক্কুনোরে নেযা ওইয়্যে।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।