নহিমিয় 10:38 - Chakma Bible

³⁸ লেবীয়গুনে যেক্কে দশমাংশ নিবাক্‌ সেক্কে তারার্‌ লগে থেবাক্‌ হারোণর বংশর এক্কো ধর্মগুরু। লেবীয়গুনে সে বেক্‌ দশমাংশগুনোর্‌ দশ ভাগর্‌ এক ভাগ্‌ আমা গোজেনর ঘরর্‌ ধনভান্ডালর্‌ গুদিগুনোত্‌ নেযেবাক্‌।

নহিমিয় 10:38 ပူးပေါင်းရင်းမြစ်များ

১ বংশধর 9:26

যে চেরজন্‌ লেবীয় আজল্‌ চুগিদার এলাক্‌ তারা উগুরে এলঅ গোজেন ঘরর্‌ ধনভান্ডাল গুদিগুনো ভারান্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

লেবীয় 27:30

“ভূইয়োত্তুন্‌ যিয়েনি পাহ্ যেবঅ তার্‌ দশ ভাগর্‌ এক ভাগ লগেপ্রভুর-সিয়েন্‌ ভূইয়োর্‌ ফসল ওক্‌ বা গাজর্‌ গুলোগুলি ওক্। সিয়েন্‌ লগেপ্রভুর্ নাঙে যুদো গুরি রাগেয়্যে ।

গণাণা 15:21

পৌইল্যা তুলো শোজ্যর এই উৎসর্ববো বংশর পর বংশ ধুরিনে মঅ নাঙে তমাত্তুন্‌ গরা পুরিবো।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

গণাণা 18:24

সিয়েনর বদলে ইস্রায়েলীয়গুনে লগেপ্রভু ইদু দান ইজেবে তারার আয়র্ যে দশ ভাগর এক ভাগ্‌ আনিবাক্ সিগুনোই মুই পাওনা ইজেবে তারারে দিলুং। সেনত্তে মুই লগেপ্রভু তারা পৌইদ্যেনে কঙর্‌, লেবীয়গুনে অন্য ইস্রায়েলীয়গুনো ভিদিরে কনঅ সোম্বোত্তির গিরোজ্ ন-অবাক্‌।”

দ্বি’লম্বর বিররণ 14:22

পত্তি বজর তমা ভুইয়োত্‌ যেদক্কানি ফসল অবঅ তার দশ ভাগর এক ভাগ তুমি হামাক্কায় যুদো গুরি রাগেবা।