নহিমিয় 10:37 - Chakma Bible

³⁷ ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

নহিমিয় 10:37 ပူးပေါင်းရင်းမြစ်များ

২ বংশধর 31:6

ইস্রায়েল আর যিহূদার যিদুক্কুন মান্‌জ্যে যিহূদার আদাম আর শঅরানিত্‌ বজত্তি গুরিদাক্‌ তারায়ো তারার্‌ গোরু, ভেড়া আর ছাগল পালর্‌ দশ ভাগর্‌ এক ভাগ্‌ আনিলাক্‌ আর তারার্‌ গোজেন লগেপ্রভুর নাঙে যুদো গুরি রাগেইনে জিনিজোর্‌ দশ ভাগর্‌ একভাগ আনিনে কয়েক্কো কুড়্ বানেলাক্‌।

নহিমিয় 13:10

মুই ইয়েন হবর্‌ পেলুঙ্‌, গানগেইয়্যেগুনোর্‌ আর অন্য লেবীয়গুনোর্‌ পাওনা ভাগ্‌কানি দিয়্যে ন-অয় বিলিনে তারা তারার্‌ সেবা-কামানি ছাড়িনে নিজোর্‌ নিজোর্‌ ক্ষেত্‌-খামারত্‌ ফিরি গেলাক্‌।

নহিমিয় 13:12

সে পরেন্দি যিহূদার বেক্‌ মানুচ্চুনে তারার্‌ ধানর্‌, নূয়ো আংগুর-রসর আর তেলর্‌ দশমাংশগুন্‌ ভান্ডাল-ঘরত্‌ আনিলাক্‌।

নহিমিয় 13:9

সে পরেন্দি মঅ উগুমে সে ঘরানি সিজি গরা অলঅ আর মুই গোজেনর ঘরর্‌ পযাপিরানি, সোজ্য-উৎসর্বর পযাপিরানি আর আগর্‌বাট্টি্‌পানি আরঅ সিদু আনিনে রাগেলুঙ্‌।

যাত্রা 13:12

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

লেবীয় 23:17

তুমি ঘরত্তুন্‌ লগেপ্রভুর্ নাঙে দুলেয়্যে-উৎসর্ব ইজেবে তমার্‌ পত্তমে তুল্যে ক্ষেদর্‌ কিজু ভাগ আনিবা। সেই দুলেয়্যে-উৎসর্বর্‌ জিনিস্‌চানি অবঅ সাড়ে তিন কেজি নিগুজ মোয়দেলোই বানেয়ে সদালোই দ্বিয়েন্‌ রুটি।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মালাখি 3:8

মান্‌‌জ্যে কি গোজেনরে ঠোগেবাক্? মাত্তর্ তুমি দঅ মরে ঠগর্। তো তুমি কত্তে, ‘আমি তরে কেধোক্ক্যেন্‌গুরি ঠোগের্?’ দশমাংশ আর দান পৌইদ্যেনে তুমি মরে ঠগর্।

গণাণা 18:15

লগেপ্রভু ইদু ইস্রায়েলীয়গুনোর উৎসর্ব গোজ্যে পত্তিঘরর পত্তম মরদ পূঅবো তর্‌ অবঅ-তে মান্‌জ্যর ওক্‌ বা য়েমানর ওক্‌। মান্‌জ্যর পত্তম মরদ পূঅবোরে তুই হামাক্কায় উদ্ধোর্ গুরিবে আর অসিজি য়েমানর পত্তম চেলা ছঅবোরেয়ো তুই উদ্ধোর্ গুরিবে।

গণাণা 18:18

দোলন-উৎসর্বর বুগো য়েরানি আর ডেনেন্দি উলুহুলোর য়েরানি ধোক্ক্যেন ইগুনোর য়েরানিয়ো তর্‌ পাওনা অবঅ।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

দ্বি’লম্বর বিররণ 14:22

পত্তি বজর তমা ভুইয়োত্‌ যেদক্কানি ফসল অবঅ তার দশ ভাগর এক ভাগ তুমি হামাক্কায় যুদো গুরি রাগেবা।

দ্বি’লম্বর বিররণ 18:4

তমার পত্তমে তুল্যে ফসল, নুয়ো আংগুরো-রস আর তেল আহ্‌ ছাগল-ভেড়ার কিয়্যেত্তুন পত্তমে কাবি নেযেয়্যে কেশ্‌ছানি তুমি ধর্মগুরুগুনোরে দিবা,

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।