নহিমিয় 10:36 - Chakma Bible

³⁶ রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

নহিমিয় 10:36 ပူးပေါင်းရင်းမြစ်များ

২ বংশধর 31:5

এ উগুমান্‌ ফগদাঙ্‌ অনার্‌ লগে লগে ইস্রায়েলীয়গুনে তারার্‌ ক্ষেত-ক্ষেত্তিগানি, নূয়ো আংগুর-রস, তেল আর মধুর পোইল্যা ভাগ্‌কো আর ক্ষেদত্‌ যিয়েনি জর্মায় সিয়েনির্‌অ পৌইল্যা ভাগ্‌কো ভালোক্কানি দান গুরিলো। ইয়েনিবাদেয়ো তারা বেক্কানির্‌ দশ ভাগর্‌ একভাগ্‌ আনিলাক্‌ আর সিয়েনি বেক্কানিয়ে বোউত্‌ অলঅ।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:19

“পেদঅ ভিদিরে পত্তি পত্তম মরদ পূঅগুন মর্‌। এমন্‌ কি, তমার বেক্‌ য়েমানপালুনোর্‌ পত্তি চেলা ছগুনো মর্‌।”

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

গণাণা 3:13

কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 12:6

তুমি তমার পুজ্যে-উৎসর্গ আর অন্য য়েমান-উৎসর্ব, তমার আয়র্‌ দশ ভাগর এক ভাগ, তমার বিশেষ দান আর মান্যা ছিড়েবার উৎসর্ব, তমার নিজোর আওজে গোজ্যে উৎসর্ব আর তমার গোরু-ছাগল-ভেড়ার পত্তম্‌ ছঅবুয়ো সিয়োদোই নেযেবা।