নহিমিয় 10:35 - Chakma Bible

³⁵ আমি পত্তি বজর্‌ পত্তমে কাপ্যে খেত-খেত্তি আর পত্তি গাজর্‌ পত্তম্‌ ফল্লো লগেপ্রভুর ঘরত্‌ আনিবোং।

নহিমিয় 10:35 ပူးပေါင်းရင်းမြစ်များ

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

লেবীয় 6:6

অন্যেয়র্‌ জরিবানা ইজেবে তে তমারে ঠিগ্‌ গুরি দিয়্যে দামর্‌ এক্কো থুদো নেইয়্যে পাদা ভেড়া লগেপ্রভুর্ নাঙে দুষ-উৎসর্বত্তে ধর্মগুরুবো ইদু আনিবাক্।

গণাণা 18:12

“ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

গণাণা 18:2

তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।