নহিমিয় 10:32 - Chakma Bible

³² আমা গোজেন ঘরর্‌ সেবা-কামত্তে পত্তি বজর্‌ এক শেখেলর তিন ভাগর্‌ এক ভাগ্‌ দিবার্‌ ভারান্‌ আমি গুজি ললং।

নহিমিয় 10:32 ပူးပေါင်းရင်းမြစ်များ

পত্থম 28:22

ইবে যে পাত্তর্‌বো মুই থুনি ধোক্ক্যেন গুরি ঠিয়েই রাগেলুং ইয়োদোই অবঅ গোজেন ঘর। ও গোজেন, তুই মরে যিয়েনি দিবে সিয়েনির দশ্‌ ভাগর্‌ এক ভাগ হামাক্কায় মুই তরে ফিরেই দিম্‌।”

১ বংশধর 26:27

যুদ্ধোত্‌ লুদেয়্যে কয়েক্কান্‌ পযাপিরা তারা লগেপ্রভুর ঘর্‌ ঠিগ্‌ গুরিবাত্তে তার্‌ নাঙে যুদো গুরি রাগেয়োন্‌।

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

নহিমিয় 13:18

তমা পূরোণিমানুচ্চুনে কি সে একই কামানি ন-গরন্‌, যিয়েনর্‌ কারনে আমা গোজেনে আমা উগুরে আর এ শঅরান উগুরে এ দজাগান্‌ ঘোদেয়্যে? আর ইক্কিনে তুমি জিরেবার্‌ দিন্নোর্‌ সুদ্ধো-সাংগগান্‌ বর্‌‍বাদ্ গুরিনে ইস্রায়েলীয়গুনো উগুরে গোজেনর আরঅ অহুজিগান্‌ বাড়েই তুল্য।”

নহিমিয় 13:21

মাত্তর্‌ মুই তারারে উজিয়ার্‌ গুরি দিইনে কলুঙ্‌, “তুমি দেবাল ইদু কিত্তেই রেত্‌ কাদর্‌? তুমি যুনি আরঅ এ কামান্‌ গরঅ সালে মুই তমা বিরুদ্ধে বেবস্থা নেযেম্‌।” সেক্কেত্তুন্‌ ধুরি তারা আর জিরেবার্‌ দিন্নোত্‌ ন এদাক্‌।

নহিমিয় 5:10

মানুচ্চুনোর ইত্তুন্‌ মর্‌, মর্‌ ভেইয়ূনোর্‌ আর মর্‌ কামগুরিয়্যেগুনোর্‌অ টেঙা আর ধান পেবার্‌ আঘে। মাত্তর্‌ এজঅ, আমি ইগুন্‌ বেক্কুন্‌ মাফ্‌ গুরি দিই।

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

যাত্রা 23:11

মাত্তর্‌ সাত বজরত্‌ ভুইয়ো চাষ্অ ন-গুরিবা আর কনঅ‌ কিজু নয়ো লাগেবা। সেক্কে এমনে যিয়েনি জোর্মেব তমা ভিদিরে নাদা মানুচ্চুনে সিয়েনিত্তুন্ হেই পেবাক্ আর যিয়েনি পড়ি থেবঅ‌ সিয়েনি ঝাড়্‌বো য়েমানুনে হেই পারিবাক্। তমার আংগুর্‌ আর জলপাই বাগান পৌইদ্যেনেয়ো সেই এক্কুই সুদোমানি পালেবা।

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।