নহিমিয় 10:31 - Chakma Bible

³¹ জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 10:31 ပူးပေါင်းရင်းမြစ်များ

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

নহিমিয় 13:23

সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

নহিমিয় 13:27

ইক্কিনে আমাত্তুন্‌ কি এ কধানি শুনো পুরিবো, তুমিয়ো এ অমকদ পাজি কামানি গোজ্য, অত্তাৎ বিদেশী মিলেগুনোরে লোইনে আমা গোজেন উগুরে অবিশ্বেজি ওইয়ো?”

যাত্রা 12:16

পত্তম আর সাত দিনোত্‌ তুমি পবিত্র এগত্তর্ অইদে-তেম্মাং গুরিবা। এ দ্বিদিনোত্‌ তুমি নিজোর্‌ হানা বানানা বাদে আর কনঅ কাম্‌ ন-গুরিবা।

যাত্রা 20:10

মাত্তর্‌ সাত্‌ দিন্নো অলঅ‌ তমার গোজেন লগেপ্রভুর্‌ নাঙে জিরেবার্‌ দিন। সেদিন্যে তুমি, তমার ঝি-পূঅগুন, তমা চাগর্‌-চাগরানিগুন, তমার য়েমানুন্ বা তমার শঅরত্‌ আর আদামত্‌ বজত্তি গোজ্যে অন্য জাদর্‌ মানুচ্চুন, আজল্‌ কধা, কনজনে কনঅ‌ কাম্‌ গরানা ন-চুলিবো।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 23:21

সেদিন্ন্যে তুমি এক্কো পবিত্র মিলন-সভা জানেই দিবা। সেদিন্যে তমার্‌ কনঅ দুঘোর্ কাম গরানা ন চলিবো। তুমি যিয়োদোই বজত্তি গত্তা সাৎ বংশর পর বংশ ধুরি ইয়েন্‌ অবঅ তমাত্তে এক্কান থিদেবর্ গোজ্যে সুদোম।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

মথি লেখ্যে গম্ হবর্ 6:12

যিগুনে আমা উগুরে অন্যেয় গরন্, আমি যেধোক্ক্যেন্ তারারে খেমা গোজ্যেই সেধোক্ক্যেন্ তুইয়ো আমার বেক্ অন্যেয়ানি খেমা গর্।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।