নহিমিয় 10:30 - Chakma Bible

³⁰ আমি আমা কায়-কুরে জাদ্‌‍‍তুনোর্‌ লগে আমা ঝিগুনোরে বৌ ন-দিবোং বা আমা পূঅগুনোত্তে তারার্‌ ঝিগুনোরে বৌ ন-নিবোং।

নহিমিয় 10:30 ပူးပေါင်းရင်းမြစ်များ

২ রাজাবলী 23:25

তে তার্‌ বেক্‌ মনান, পরাণান আর বলান্‌দোই মোশির বেক্‌ রীদি-সুদোম মজিম লগেপ্রভুর পধেন্দি আদিদো। তা আগেন্দি বা পরেন্দি আর কনঅ রাজা তা ধোক্ক্যেন ন-এলাক্‌।

২ রাজাবলী 23:3

রাজা মঞ্চ উগুরে থিয়্যেইনে লগেপ্রভুর পধেন্দি আদিবাত্তে আর বেক্‌ মনান-পরাণান্‌ দিইনে তার্‌ বেক্‌ উগুমানি, সুদোমানি আর নিদ্দেশ্‌ছানি মানিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ গুরিলো। সেক্কে বেক্‌ মানুচ্চুনে রাজার লগে এক্কুই শমক্‌ গুরিলাক্‌।

২ বংশধর 34:31

রাজা তার্‌ নিজোর্‌ জাগানত্‌ থিয়্যেইনে লগেপ্রভুর পধেন্দি আদিবাত্তে আর বেক্‌ মনান্‌-পরাণান্‌ দিইনে তার্‌ বেক্‌ উগুমানি, সুদোম্‌ আর হুকুমানি মানি চলিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ খেলঅ।

নহিমিয় 10:1

যিগুনে সিয়েন উগুরে সীলমহ্‌র দুয়োন্‌ তারা অলাক্কে হখলিয়োর্‌ পূঅ শাজন্‌গুরিয়্যে নহিমিয় আর সিদিকিয়,

নহিমিয় 13:23

সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

নহিমিয় 13:25

মুই তারারে গেইল্‌ দিলুঙ্‌ আর কলুঙ্‌ তারা উগুরে যেনে অভিশাব্ লামি এজে। তারার্‌ কয়েক্কো মান্‌জ্যরে মুই মারিলুঙ্‌ আর চুলানি উগুরে ফেলেলুঙ্‌। গোজেনর নাঙে মুই তারারে দিইনে এ শমক্‌কান্ গোরেলুঙ্‌, তারা বিদেশী পূঅগুনোর্‌ লগে তারার্‌ ঝিগুনোরে বুয়ো ন-দিবাক্‌ আর নিজে বা তারার্‌ পূঅগুনে বিদেশী মিলেগুনোরে ন-লবাক্‌।

নহিমিয় 13:30

এধোক্কেন্‌ গুরিনে মুই বেক্কুনো ভিদিরেত্তুন্‌ বিদেশীয় বেক্কানি দূর্‌ গুরি দিলুঙ্‌। পরেন্দি ধর্মগুরু আর লেবীয়গুনোর কাম্‌ অনুসারে তারার্‌ পত্তিজনর্‌ কামানি ভাগ্‌ গুরি দিলুঙ্‌।

নহিমিয় 5:12

এ কধাগান শুনিনে তারা কলাক্‌, “আমি বেক্কানি ফিরেই দিবোং। আমি তারাত্তুন্‌ আর কিচ্ছু দাবি ন-গুরিবোং। তুই যিয়েনি কলে আমি সিয়েনি গুরিবোং।” সে পরেন্দি মুই ধর্মগুরুগুনোরে ডাগিনে পাদেলুঙ্‌ আর মুরুব্বীগুনোরে আর নেতাগুনোরে দিইনে শমক্‌ খাবেলঙ্‌ যেনে তারা তারার্‌ শমক্‌ অনুসারে কাম্‌ গরন্‌।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

দ্বি’লম্বর বিররণ 29:11

তমা সমারে আগন্‌ তমার ঝি-পূঅগুনে আর মিলেগুনে; আর আগন্‌ তমার তাম্বুলোত্‌ বজত্তি গোজ্যে অন্য জাদর মানুচ্চুনে যিগুনে তমার গাজ্‌ছুন কাবন্ আর পানিগানি তুলোন্‌।

দ্বি’লম্বর বিররণ 7:3

তুমি তারা সমারে কনঅ মেথ্‌বানর সম্পর্ক ন-গুরিবা। তমার মিলেগুনোরেয়ো তুমি তারার্‌ পূঅগুনোর্‌ আদত্‌ ন-দিবা আর তারার্‌ মিলেগুনোরেয়ো তুমি তমা পূঅগুনোত্তে ন-আনিবা,