নহিমিয় 10:28 - Chakma Bible

^28-29 আমি বাদবাগি মানুচ্চুনে, অত্তাৎ ধর্মগুরুগুনে, লেবীয়গুনে, রোক্ষীগুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর গোজেনর রীদি-সুদোমানি পালেবাত্তে যিগুনে কায়-কুরে জাদ্‌‍‌‍তুনো ভিদিরেত্তুন্‌ নিজোরে ফারগ্‌ গুরি নেযেয়োন্‌, আমা মোগ্‌কুন আর আমা যিদুক্কুন্‌ ঝি-পূঅর্‌ বুঝিবার্‌ জ্ঞান্‌ ওইয়্যে, আমি বেক্কুনে আমা ভেইয়ূনোরে, অত্তাৎ মুরুব্বীগুনোর্‌ লগে মিজের্‌। আমি কোত্তে, আমি যে শমক্‌কান্ হেবাত্তে যের্‌ সিয়েন্‌ যুনি আমি ন-পালেই সালে আমা উগুরে অভিশাব্‌পান পড়ে। আমি গোজেনর চাগর্‌ মোশির মাধ্যমে দিয়্যে গোজেনর্‌ রীদি-সুদোম্ মজিম চলিবোং আর আমা প্রভু লগেপ্রভুর বেক্‌ উগুমানি, হুকুমানি আর সুদোমানি যত্তন্‌ গুরিনে পালেবং।

নহিমিয় 10:28 ပူးပေါင်းရင်းမြစ်များ

ইষ্রা 2:70

ধর্মগুরুগুন, লেবীয়গুন, গানগেইয়্যেগুন, উবোসনা-ঘরর্ চুগিদারুন আর সেবাগুরিয়্যেগুন আর অন্য মানুচ্চুন্ অত্তাৎ বেক্ ইস্রায়েলীয়গুন যে যার্ আদামত্ আর শঅরত্ বজত্তি গরা ধুরিলাক।

ইষ্রা 6:21

বন্দীদযাত্তুন্ ফিরি এচ্চ্যে ইস্রায়েলীয়গুনে আর দেজত্ বজত্তি গুরিয়্যে ইস্রায়েলীয়গুনে যিগুনে ইস্রায়েলর গোজেন লগেপ্রভুর আওজ্ মজিম চলিবাত্যে তারার্ অযিহূদী পাড়াল্যেগুনোর্ ফিবলা খাচ্চ্যেগত্তুন্ নিজোরে যুদো গোজ্যন্ তারা বেক্কুনে একসমারে সেই য়েরাগান্ হেলাক্।

নহিমিয় 10:27

মল্লূক, হারীম আর বানা।

নহিমিয় 13:3

মানুচ্চুনে রীদি-সুদোমর্ এ কধানি শুনিনে বিদেশীগুনোর বংশধরুনোরে ইস্রায়েলীয়গুনোর্‌ সমাজত্তুন্‌ বাদ দি দিলাক্‌।

নহিমিয় 8:2

সাত্‌ মাজর্ পত্তম দিনোত্‌ ধর্মগুরু ইষ্রা মিলে-মরদ আর যিগুনে শুনিলে বুঝি পারন্‌ এধোক্কেন্‌ বেক্‌ মানুচ্চুনোর্‌ দলর্‌ মুজুঙোত্‌ রীদি-সুদোম বোইবো আনিলো।

নহিমিয় 9:2

ইস্রায়েল জাদর্‌ মানুচ্চুনে অন্য জাদর্‌ বেক্‌ মানুচ্চুনোর্‌ ইত্তুন্‌ নিজোরে ফারগ্‌ গুরি নিলাক্‌। তারা থিয়্যেইনে নিজোর্‌ পাপ আর তারার্‌ পূরোণিমানুচ্চুনোর্‌ ভান্ন্যেইয়ানি স্বীগের্‌ গুরিলাক্‌।

গীতসংহিতা 47:7

গোজেনে গোদা দুনিয়েগানর রাজা; তার নাঙে এক্কো এক বাবোত্যে নাঙ্ গিনেদে-গান গরঅ।

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।