নহিমিয় 1:7 - Chakma Bible

⁷ আমি তর্‌ উল্লোমি গুরিনে অমকদ অন্যেই কাম্‌ গোজ্যেই। তঅ চাগর্‌ মোশিরে তুই যেদক্কানি উগুম, সুদোম আর রীদি-সুদোম্ দুয়োচ্‌ সিয়েনি আমি ন-পালেই।

নহিমিয় 1:7 ပူးပေါင်းရင်းမြစ်များ

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

২ বংশধর 25:4

মাত্তর্‌ তে তারার্‌ ঝি-পুয়োগুনোরে মারে ন-ফেলেল বরং মোশির বোইবোত্‌ যে রীদি-সুদোমানি লেগা এলঅ সে মোজিম্‌ কাম্‌ গুরিলো। সে বোইবোত্‌ লগেপ্রভুর এ উগুমান্‌ লেগা এলঅ, “ঝি-পুয়োগুনোর পাপত্তে বাবত্তুন্‌ বা বাপ্পোর পাপত্তে ঝি-পুয়োগুনোরে মারে ফেলানা ন-চলিবো, মাত্তর্‌ বেক্কুনোত্তুন্‌ তার্‌ নিজোর্‌ পাপত্তে মরা পুরিবো।”

২ বংশধর 27:2

যোথমে তা বাবঅ ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো। সিয়েনিবাদেয়ো তে তা বাবঅ ধোক্ক্যেন ভুল্‌ ন-গরে; আগর্‌বাট্টি জ্বালেবাত্তে তে লগেপ্রভুর ঘরত্‌ ন-যায়। তো মানুচ্চুনে ভান্ন্যেই কামানি গুরিদাক্‌।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

গীতসংহিতা 106:6

আমা পুরোণি মানুচ্চুনো ধোক্ক্যেন্ আমিয়ো পাপ গোজ্যেই; আমি অন্যেয় গোজ্যেই, ভান্ন্যেই গুরি চোল্যেই।

গীতসংহিতা 89:31

যুনি তারা মঅ সুদোমান্ অমান্য গরন আর মঅ উগুমান ন-পালান্,

গীতসংহিতা 89:32

সালে বারি মারিনে মুই তারারে পাপর সাজা দিম, তারার অন্যেয়র সাজা দিম।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

দানিয়েল 9:13

মোশির সুদোমত্ যেবাবোত্যে লেগা আঘে সেবাবোত্যেগুরি এই বেক্ দযানি আমা উগুরে এইচ্চ্যে, তো আমি আমা পাপত্তুন্ ফিরিনে আমা গোজেন লগেপ্রভুর দোয়্যে পেবার চেট্ট্যা ন-গরন্; তর্ সত্য উগুরে আমি মনযোগী ন-ওই।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”